【聲明】港生活網站並無進行電話推廣活動

藝術與時尚雙子店 銅鑼灣Fashion Walk夏之驚喜

發佈時間: 2020/08/03

黛安好鍾意行銅鑼灣Fashion Walk,最近佢哋又有新搞作,就係同亞洲金風攜手合作「因夏之名」企劃,以期間限定雙子店形式舉行,並同好多藝術家及時尚單位合作,舉辦多場全球獨家兼首次曝光嘅展覽同品牌限定店,相當精采!

有別於傳統嘅期間限定店,由即日起至本月31日推出嘅「因夏之名」企劃,Fashion Walk會劃出兩個獨立空間,分作展示每周更新嘅藝術展覽,以及售賣多個品牌嘅產品;而合作嘅藝術家、品牌同單位,包括連國際巨星Lady Gaga都係捧場客嘅時裝設計師Wilson PK,以及擅長街頭、產品及創意攝影嘅香港展能藝術會青葉藝術家梁欣欣等,絕對係星光熠熠。

恒隆地產董事租務及物業管理蔡碧林話,多年來都透過舉辦唔同主題嘅活動同期間限定店,不斷為Fashion Walk顧客帶來驚喜。亞洲金風創辦人Phillip GOLD就話,希望透過期間限定活動,一併提升時尚同藝術品味。

藝術與時尚雙子店 銅鑼灣Fashion Walk夏之驚喜

「因夏之名」企劃,把時裝、生活、攝影等不同元素以展覽和商店形式呈現大家眼前。

撰文: 黛安 消息特靈八卦公關
欄名: 八卦名利場