《殺手》正式踏入結局篇，上星期連環有人遇害，先是雯雯（江嘉敏飾）的死，令Zero（陳豪飾）一怒之下找佛爺（李成昌飾）和紅姐（樊亦敏飾）報仇，隨後有多位殺手組織的人員遇害，鐵仁（歐瑞偉飾）、Kill 標（戴耀明飾）、蘇菲亞（羅蘭飾）等，上周五的一集，由於小秉（林景程飾）在Parker（謝東閔飾）的手機發現秘密，於是被Parker開車撞到重傷，不過預告再次見到小秉的出現，不過他滿面傷痕被鎖上，更反問Parker是否瘋了。
相關新聞：【《殺手》結局篇劇透】謝東閔殺手獵人身份終於曝光 有無辜被殺激發黎耀祥狂操報仇
小秉揭發Parker手機入面有秘密。(圖片：《殺手》電視截圖)
仲要被Parker見到。(圖片：《殺手》電視截圖)
Parker即刻開車撞佢。(圖片：《殺手》電視截圖)
觀眾睇到以為小秉死咗。(圖片：《殺手》電視截圖)
點知預告又見到小秉，佢傷晒咁嗌救命。(圖片：《殺手》預告電視截圖)
Parker個笑容好喪呀！(圖片：《殺手》預告電視截圖)
預告入面呢一幕閃咗一下，唔知係咪就係Parker殺小秉嘅畫面。(圖片：《殺手》預告電視截圖)
林景程今次在《殺手》的戲份不算多，但由於戇直的性格非常可愛，在殺手的題材中顯得非常突出。小秉在戲中向閻武（黎耀祥飾）拜師學做殺手，不過卻被對方點去做跑腿。閻武呃佢嘅錢又冇實質嘢教對方，只是不斷叫佢紮馬，不過傻更更的小秉一於照做。林景程在劇中紮馬已經入晒血，事關他近日在IG上載自己紮馬的照片，更將自己紮馬的動作P圖，發揮無限想像，P到去巴黎鐵塔，認真威水。
林景程搞笑扮小秉紮馬。(圖片：林景程IG）
去廁所都要紮行個馬。(圖片：林景程IG）
呢個位置會唔會太危險呢？(圖片：林景程IG）
巴黎都去埋，係威水嘅！(圖片：林景程IG）
雖然林景程Po相出嚟搞笑，不過網友大多數都係留言關心到底佢死咗未，網友留言說：
「你究竟有冇死到？快啲即刻喺度答我，如果唔係我下星期唔會睇！」
「星期一果集唔好死呀」
「徒弟仔唔好死啊」
「你係咪會死呀？」
林景程大多數都回覆說：「希望唔會啦！」、「希望唔使死啦！」睇怕要今晚睇先知道最終會點樣...
相關新聞：【兩大視帝】陳豪最窮時冇工開欠10幾萬卡數 黎耀祥頭太大拍劇被嫌迫爆鏡頭
林景程笑自己踎得太認真。(圖片：林景程IG）
(圖片：林景程IG）
雖然紮開馬腳骨力一定勁，不過林景程搞笑自爆日前在宣傳活動上，主持人要求前排的人踎低，一眾男演員都係前後腳跪地，偏偏得佢一個認真地「踎」，幸好不是傳統「亞洲蹲」，否則畫面會更加好笑。
林景程係物理治療師，佢親自講解亞洲蹲呢個動作。(圖片：林景程IG）
睇返林景程的IG，原來佢早前都講過自己係唔識得「亞洲蹲」，所謂的「亞洲蹲」是傳統外國人認為亞洲人先可以做到嘅踎低動作，踎低時兩隻腳板仍然可以貼地。後來林景程用自己專業的物理治療師身份去講解，他說：「一般做唔到既原因：因為亞洲蹲要求大腿膝頭同腳腕關節既大幅度屈曲，關節過緊肌肉過硬都可能會有影響。朕做唔到既原因：而我主要既問題，就係腳腕活動性低，小腿同比目魚肌過緊，令腳掌屈曲幅度唔夠去做一個亞洲蹲。」唔好擔心，大家唔會因為咁而質疑他唔係亞洲人。
責任編輯：楊安莉