鄭丹瑞做導師嫌辛苦 樂易玲用銀彈挽留

網上互動平台SHOW 8，昨日為網絡劇《一念》及微視頻《一刻》舉行演員面試，執行董事及總經理樂易玲、首席演技執行官鄭丹瑞（阿旦）等負責選角。昨日約20多名SHOW 8學員出席記者會，樂小姐希望全部可以入選拍攝網絡劇，畢竟娛樂圈需要新面孔，阿旦則寄語學員︰「最緊要有自信、要有笑容及夠真情，其實好多個都唔錯！」

問到SHOW 8會否取代藝員訓練班？樂小姐強調一定不會，始終藝訓班歷史悠久，加上演技真的要培訓。由於今次反應熱烈，預計九月再開班，問到阿旦會否繼續執教？他表示教了四年，好辛苦，但樂小姐笑稱一定會畀足人工。此外，樂小姐露口風今年有意再舉辦港男，但一切仍要視乎疫情何時緩和。

採訪︰Pauline