【聲明】港生活網站並無進行電話推廣活動

難忘街頭獻唱趣事 C AllStar被點唱《帝女花》考起

發佈時間: 2020/08/04

組合C AllStar前晚舉行《C ALLSTAR WECARE慈善Live》網上直播音樂會,邀得鄭欣宜及馮允謙擔任嘉賓,一同接受即場點歌挑戰,唱歌抗疫。C AllStar回憶當年在街頭busking時,不時被觀眾即席點唱考起,最特別竟有人要求他們唱粵曲,相當難忘。

C AllStar前晚為了直播音樂會重新合體,不過成員吳崇銘(King)因身體不適而臨時缺席,但他特地在家中拍片「報平安」,表示已完成新冠病毒檢測,結果呈陰性,沒有染疫。梁釗峰坦言港人因疫情已足不出戶,希望音樂會可給予大家一點支持。

前晚音樂會破天荒無rundown,大玩即場互動點唱環節,令C AllStar興奮又雀躍。陳健安(On仔)想起當年在街頭表演︰「我哋初出道喺街頭busking時,都亦有類似經驗,雖然感覺似係自己玩自己,但好有挑戰性。試過最難忘係有觀眾點唱《帝女花》同Lady Gaga《Poker Face》,當下我哋唔識唱,但我哋邀請點唱人士之後嗰個星期再嚟,我哋練完再唱畀大家聽。」

C AllStar坦言收入因疫情而減少,但眼見市民改變消費模式,他們亦有不少新計劃︰「我哋諗住舉行網上活動,好似音樂會咁,要畀錢先可以睇,希望可以幫補一下收入,相信大家努力,可以撑過疫症。」

釗鋒提醒欣宜唔好喊

同場的鄭欣宜前晚與C AllStar合唱一曲《黑彩虹》,又聯同馮允謙合唱《80後時代曲》。欣宜回憶自己已入行十年,今次才是第一次與C AllStar合唱,她特別感激初出道時獲釗峰「點醒」。她說︰「我入行初期好易喊,當時釗峰同我講,叫我唔好咁易喊,佢話我把聲本身好好聽,一喊就會影響表現。」令她學會在表演時控制情緒。另外,抗疫期間,欣宜除了籌備新歌外,亦努力更新自己的YouTube頻道︰「好開心有觀眾支持我拍嘅片,拍片係唔會受到任何掣肘,唔使被別人塑造自己嘅形象,可以喺自己嘅平台『做自己』。」

撰文︰Pauline

編輯︰李潔盈

美術︰梁政敏

難忘街頭獻唱趣事 C AllStar被點唱《帝女花》考起

C AllStar成員King做新冠病毒檢測,幸好報告呈陰性。(影片截圖)

難忘街頭獻唱趣事 C AllStar被點唱《帝女花》考起

欣宜最近因疫情轉戰做YouTuber,成績不俗。