近年每次抽居屋都「爭崩頭」，好比買六合彩。不過，每年抽中的「幸運兒」，原來最後約有一半人最後不買，莫非居屋有「伏」？由於申請居屋入息不設下限，變相有不少人「趁熱鬧」入表買個希望，抽到之後又唔買。其實抽之前不如睇睇居屋以下「缺點」，先考慮是否真的適合自己。
考慮1：揀樓次序低 「揀唔落手」機會大
表面上，入表抽居屋，幸運抽中就可以買到平靚正單位。期望同現實當然有出入，其實同買私樓一樣，如果太多人買，就要睇揀樓次序。以新居屋為例，白表中「家有長者優先選樓計劃」申請者排名最前，之後是家庭申請者，最後才是一人申請者。如果是單身人士入表抽，就算抽中，來到揀樓時間相信都只有「揀剩」的開放式或一房可揀，要知道正常情況購買資助房屋限額只有一次，所以有不少最後都「揀唔落手」，寧願放棄機會。
考慮2：清水樓交付 額外付裝修費
近年居屋折扣加大，樓價平是事實，但交樓質素如何，某程度上亦反映平價背後的原因。近年新居屋設計與公屋無異，且屬「清水樓」，除了廚房及廁所舖設最基本的潔具及磁磚外（而且款式老土，很多業主都拆過再做），單位內沒有房間間隔、地板，代表居屋較私樓有更多裝修要做，所以「幸運兒」購入單位後，需要預留一筆裝修費用，即使是基本裝修也要廿萬起跳，是首期以外的額外上車成本。首置上車人士如果以9成按揭買新樓或有裝修二手樓，計落總上車成本可能相差無幾。
▲近年新居屋均為「清水樓」，即使基本裝修也要廿萬起跳，是一筆額外上車開支。
考慮3：樓花期長 租樓成本增
與私樓一樣，居屋也有樓花期，以今期發售的4個屋苑為例，除了火炭彩禾苑、粉嶺皇后山山麗苑，有機會在明年3月以現樓形式發售外，另外兩個預料較受歡迎的馬鞍山錦駿苑及鑽石山啟翔苑都屬於樓花，後者更預計到2023年第2季才入伙，距離現時接近3年，對於有逼切居住需求的準買家，要租樓近3年等入伙，最少都要花數十萬，買二手樓現樓即住或許是更好選擇。
▲今期樓王鑽石山啟翔苑，預計到2023年第2季才入伙，樓花期最少2年半以上。
考慮4：禁售期限制多 周轉欠靈活
資助房屋有禁售期限制，參考以往做法，「幸運兒」購入居屋後首兩年，只能透過居二市場（俗稱綠表市場）原價出售單位；至於兩年後，業主可在居二市場自由定價出售予合資格人士；直到第10年，才能夠補地價在自由市場出售予一般置業人士，換樓靈活性較私樓低很多。打算買居屋的人士，要有心理準備長住甚至住到退休，對將來打算換樓者未必是好選擇。
▲未補地價的居屋，只能在居二市場出售予綠表人士或白居二中籤者。
============
接收全方位穩健財富管理資訊，請讚好「健康財富 Wealthy Life」Facebook：https://fb.com/Wealthylifehk/