【落選港姐離巢北上】何天兒自拍照被網民指唔同咗樣 教人連皮食咩生果可輕鬆美白？

2007年落選香港小姐何天兒（前名：何傲兒）自從15年離巢後就到咗大陸發展，同唐嫣合作劇集《歸去來》。劇中佢用普通話講對白，非常流利，完全冇「港普」口音，獲得好多大陸網民激讚。何天兒憑劇人氣急升，接咗唔同工作。今年佢獲地產商睇中，接咗近百萬嘅大陸樓盤廣告，亦將有新劇推出，密密做，密密賺。

{{hket:inline-image name="11.jpg"}}{{/hket:inline-image}}

(《歸去來》電視截圖)

{{hket:inline-image name="14.jpg"}}{{/hket:inline-image}}

(《歸去來》電視截圖)

{{hket:inline-image name="15.jpg"}}{{/hket:inline-image}}

(何天兒instagram截圖)

呢排受到新冠肺炎疫情影響，何天兒返咗香港避「炎」，每日都會拉筋、唱歌、練古箏、煮嘢食。最近佢喺屋企拍片，為努力抗疫緊嘅大家打氣，佢話自己都好想出街食飯，希望疫情快啲結束。

唔少網民睇完片，都不約而同將注意力放喺佢間屋個靚景同佢外表上。有人留意到佢間屋背山面海，對住無敵海景，猜測佢住喺獨立大屋，話佢北上發展似乎好好賺。有部分人認為佢太瘦，紛紛留言：「瘦到認唔到你」、「瘦了好憔悴的樣子」、「唔同咗樣，認唔到你」、「太瘦了」大家都好體貼咁叫佢應該增番肥，會靚女啲，不過何天兒解釋只係角度問題。

{{hket:inline-image name="16.jpg"}}{{/hket:inline-image}}

(何天兒instagram圖片)

喺唔使開工拍劇嘅時間，何天兒趁機加入Youtube界，閒時會用普通話介紹香港特色景點同美食，等多啲人認識香港；有時又會分享做運動減肥、健康飲食、扮靚嘅tips。當中何天兒分享咗啲好獨特嘅食譜，例如火龍果連皮食嘅食譜，成為唔少網民嘅熱話。

佢話好多人食火龍果都只係食果肉，但佢已經連皮吃紅肉火龍果超過10年，仲形容呢個食法係佢嘅獨門美白小秘訣：「其實果皮有種成分叫做甜菜紅素，可以清除自由基。堅持連皮食就可以輕鬆變白、抗氧化、養顏。」

{{hket:inline-image name="20.jpg"}}{{/hket:inline-image}}

(何天兒YouTube短片截圖)

{{hket:inline-image name="21.jpg"}}{{/hket:inline-image}}

(何天兒YouTube短片截圖)

最後佢分享咗兩個好食啲嘅食法同食譜，「夏日清爽火龍果飲品」、「Q彈火龍果果凍」，獲得唔少網友嘅支持。何天兒話之後還會繼續發掘有趣的題材，希望可以帶畀大家驚喜。

{{hket:inline-image name="22.jpg"}}{{/hket:inline-image}}

(何天兒YouTube Channel截圖)

撰文：張芷晴
責任編輯：楊安莉