【聲明】港生活網站並無進行電話推廣活動

加盟星夢 JW無意同菊梓喬爭做一姐

發佈時間: 2020/08/05

王灝兒(JW)早前宣布約滿舊唱片公司,更傳出收山嫁人,不過昨日她正式簽約星夢娛樂,更獲老闆何哲圖送上一支金咪,寓意歌唱事業更進一步。提到同門菊梓喬(Hana)及吳若希(Jinny)力爭一姐,JW強調從未想過做一姐,只想唱好歌及做好自己。

入行十年的JW昨日加盟星夢娛樂,她穿上類似婚紗的晚裝,被司儀取笑「嫁給」星夢。除了星夢老闆何哲圖、無綫高層余詠珊撑場外,菊梓喬、胡鴻鈞、連詩雅及鄭俊弘等一班星夢歌手也出席支持JW,可見JW萬千寵愛在一身。師兄胡鴻鈞十分抵死,在台上祝願有化粧品連鎖店太子爺男友的JW,發展愈來愈「卓越」,令她忍不住大笑。

問JW簽約星夢後,是否意味加入吳若希及Hana的一姐之爭?JW即說︰「其實我從來都無諗過喺呢個平台做一姐,只係盡量爭取機會做好自己,無話要做一姐呢回事。(唱片公司係咪畀晒機會你?)其實未試過又點知呢,我想試下拍劇,之前拍《逆天奇案》都只係客串。」贏埋視后?她笑說︰「唔係,只係想試試拍劇,同唱劇集主題曲。」

Hana讓出女歌手獎

會否擔心新公司是非多?JW說︰「我無諗太多,舊公司唔係好多人,第一次加入咁大嘅家庭,入面有好多熟悉嘅朋友,畀我好多鼓勵,我只會專心做好每一件事,做好自己就唔會有咁多是非。」有傳她加盟是取代臨盆在即的Jinny,她大讚Jinny懷孕十分偉大︰「相信Jinny生完會繼續唱歌,將來我有自己家庭,都唔會放棄唱歌事業。」

同場的Hana亦表示沒想過力爭一姐,日後勁歌總選多了JW爭「金曲金獎」?Hana說︰「無分薄,因為我都無攞過金曲金獎。今年JW攞女歌手獎啦,希望佢有更好成績。(擔心地位不保?)我入行以來都無擔心過,因為公司對每個歌手都好好。」另外,無綫高層余詠珊回應《東張西望》主持戴透明口罩做節目,她承認口罩不能阻擋病毒,所以出鏡以外,主持都會換回一般外科口罩。

採訪︰Pauline

編輯︰李潔盈

美術︰梁政敏

攝影︰林良明

加盟星夢 JW無意同菊梓喬爭做一姐

星夢老闆何哲圖帶愛將菊梓喬(左)到場力撑JW。

加盟星夢 JW無意同菊梓喬爭做一姐

胡鴻鈞拿JW的富二代男友開玩笑,令JW大爆笑。