鄭希怡於真人騷受傷痛哭登熱搜 新戲三點式上陣 網民有讚有彈

現年38歲嘅Yumiko鄭希怡喺6月中開始拍攝大陸真人騷節目《乘風破浪的姐姐》。最近佢喺最新一期節目綵排意外受傷，暫時唔可以跳舞，為此佢自責痛哭，一度登上微博熱搜。

本來鄭希怡打算同其他女仔表演歌曲《我的新衣》，仲用咗多日嚟練習，以求做到盡善盡美。點知就喺公開演出前一日，鄭希怡綵排到其中一個動作時唔小心扭傷腳。

{{hket:inline-image name="11.jpg"}}{{/hket:inline-image}}

(電視截圖)

醫生證實佢嘅腿骨嚴重挫傷，如果再用力不當分分鐘會拉斷韌帶。佢問醫生可唔可以打止痛針，畀佢完成埋個表演先休息，但醫生斷然拒絕，講明佢暫時唔可以繼續跳舞。鄭希怡怕自己嘅受傷累咗成個團隊，喺車上自責痛哭：「發生在我身上我覺得沒甚麼，但是如果影響到其他人的時候，我就會特別內疚。」張雨綺見到即刻安慰佢，叫佢唔好胡思亂想。

{{hket:inline-image name="111.jpg"}}{{/hket:inline-image}}

(電視截圖)

{{hket:inline-image name="12.jpg"}}{{/hket:inline-image}}

(電視截圖)

{{hket:inline-image name="13.jpg"}}{{/hket:inline-image}}

(電視截圖)

鄭希怡有感而發，回想起以前喺表演上做唔好而被人負評嘅經歷：「我有一段時間怎麼唱都不好聽，我經紀人都說：『我覺得你是啞巴』我說甚麼啞巴？她說不會唱歌的一個歌手。外面的觀眾也這樣說我，自己開了惟一一個演唱會還被人投訴，那我真的覺得不適合做歌手，我就去拍戲...」為咗搵番當時失去咗嘅自信心，鄭希怡特登去做聲帶手術，參加《乘風破浪的姐姐》，希望喺台上證明自己實力：「我聲帶上有繭，我相信這也是以前影響我唱歌的一個障礙。」可見呢個節目對佢嚟講的確好重要。最後，鄭希怡雖然跳唔到舞，但能夠喺台上完成rap表演，佢終於有番笑容：「也算是另一種圓滿」

{{hket:inline-image name="15.jpg"}}{{/hket:inline-image}}

(鄭希怡instagram圖片)

其實鄭希怡喺節目中一直表現唔錯，氣勢十足，得到唔少網民支持，佢仲乘勢拍埋大陸電影《霹靂霸王花》，擔正做女主角。電影中鄭希怡飾演保安劉子儀，同另外兩個女隊員都因為富有正義感、有過人之處，於是被公司安排組成一隊特別小組，提供專業化安保服務。劇情要講述佢哋點樣以臥底形式混入選美比賽，瓦解一個拐走美女嘅犯罪集團。

{{hket:inline-image name="17.jpg"}}{{/hket:inline-image}}

(《霹靂霸王花》電影截圖)

網民對套戲有讚有彈，有人認為鄭希怡同另一個女隊員搶男人嘅情節太老套，亦有人覺得鄭希怡喺談情戲中扮怕醜嘅樣係睇到人好尷尬：「仲要扮少女？」好彩鄭希怡喺戲裡面著泳裝性感上陣，得到唔少人讚好，紛紛留言指佢身材keep得好，皮膚夠白，好養眼，為套戲加咗唔少分：「邏輯不是一般人可以接受，看完泳裝就關掉了」、「身材是保養得不錯」等。

{{hket:inline-image name="16.jpg"}}{{/hket:inline-image}}

(《霹靂霸王花》電影截圖)

{{hket:inline-image name="19.jpg"}}{{/hket:inline-image}}

(《霹靂霸王花》電影截圖)

{{hket:inline-image name="18.jpg"}}{{/hket:inline-image}}

(《霹靂霸王花》電影截圖)

撰文：張芷晴
責任編輯：楊安莉