《殺手》明晚大結局 黎耀祥劇透遭遇不測

熱播劇《殺手》明晚播出大結局，昨日一班演員包括黎耀祥、龔嘉欣、李佳芯（Ali）及謝東閔等出席「復仇聯盟」宣傳活動。他們都漏口風暗示劇中多人遇害，飾演閻武的祥仔提到前晚剝衫騷肌一幕，笑言連自己都睇得非常回味。

黎耀祥前晚在劇中半裸狂操肌，他津津樂道表示︰「呢場戲拍嘅時候，監製同我講要倒吊、sit up同掌上壓，全程仲要騷肌，都做咗十幾下，好彩無NG。（覺得監製係玩你定益你？）咁監製係獎勵我嘅，始終我花咗唔少時間操肌，將成績畀觀眾睇都無問題。」身旁的嘉欣大爆祥仔除衫一刻，台前幕後都走上前圍觀，嘉欣直言：「祥哥就算收廠後仍繼續操，才會達到這個效果。」祥仔笑言總之導演roll機就立刻谷「行」腹肌，他又形容這身形算是人生高峰。至於即將開拍新劇《拳王》，祥仔將飾演泰拳拳手，雖然監製沒有要求他剝衫演出，但祥仔笑言不介意再次爆肌。

祥仔在活動上竟劇透，表示其角色閻武將於結局中死去，問會否失去追看性？祥仔並不擔心︰「觀眾睇開就會追落去，大家到時睇我點死。就算我個角色死咗（劇情）都仲有得發展落去。」龔嘉欣則透露她躺在閻武胸膛的場面，十分感人。

李佳芯解禁月中開工

李佳芯提到《殺手》結局，她表示︰「臨尾嘅劇情都好灰，有啲會喊出嚟，我只可以講係仲有人死，我都會遇襲。不過，最開心係好多平時唔睇劇嘅朋友，晚上直情集集追，令我好意外，亦畀到我好大嘅動力。」

Ali停工一段日子，最近終獲解禁，她將與陸永拍攝新劇《智能愛（AI）人》，Ali說︰「如果無調動嘅話，應該八月中開工，依家要pick up個工作節奏，今次角色係演機械人，幾有挑戰性，依家都做緊功課。」

採訪︰Pauline

攝影︰林良明

編輯：陳禮恒

美術：顏玉玲