TVB第二十期藝訓班出身的37歲演員陳積榮(Jeff),昨日(5日)拍片自爆自己患上第四期肺癌,而且擴散到背部,隨時有機會壓住神經,情況危急。影片岀街後引起不少轉發和討論,亦獲得很多圈中人窩心打氣支持,至於同期藝訓班畢業的藝人如孫慧雪、謝珊珊和鄧永健等得悉Jeff患病後一直陪伴在旁,提供不少幫助,希望助他渡過難關。
相關新聞:【TVB藝訓班畢業】演員陳積榮拍片自爆患四期肺癌 背部腫瘤壓住神經隨時半身不遂
{{hket:inline-image name="rr.png"}}{{/hket:inline-image}}
Jeff日前拍片跟大家分享患病經歷(影片截圖)
孫慧雪接受《晴報》電話訪問,她表示自己在上星期得悉Jeff患病消息,稱他好積極面對病情,正在試不同方法治療,例如生酮飲食、食療,以及練習太極和氣功。孫慧雪表示:「我收到呢個消息好唔開心,冇諗過咁年輕就會患咁嚴重嘅病。最難過嘅係,大家知Jeff係演戲上好有熱誠、好熱血,佢覺得自己目標仍然未做到,希望佢快啲好返,可以繼續追夢,我哋以前有合作過拍電影,暫時仲未上畫,希望佢好返之後就完成佢。我自知自己做唔到太多嘢,不過我會每日Whatsapp同佢傾偈氹佢開心,最緊要佢夠積極樂觀。」
孫慧雪上星期在Jeff電療前見過面(受訪者提供)
孫慧雪表示上星期有到醫院探望Jeff,現時他身體好虛弱,Jeff希望透過拍片跟大家分享,於是她就跟謝珊珊一同構思為他拍片記錄。孫慧雪表示:「嚟緊我哋都會繼續拍片,因為Jeff都想試其他唔同嘅方法,去面對呢個病,等唔同人都了解多啲。」Jeff現時需要接受電療和服用價格高昂的標靶藥物,孫慧雪話絕對會撐住對方:「我同佢講,唔好諗咁多,邊種對你好就去做,資金唔夠就同我哋講,一定盡力幫佢。」
孫慧雪拍MV亦有找Jeff幫忙(受訪者提供)
(受訪者提供)
孫慧雪跟Jeff有合作電影《最囧麻花》(受訪者提供)
至於另一位好友謝珊珊接受訪問時,問到短片岀街後大家反應如何,她表示:「好多人都有inbox回覆我哋,畀咗唔同意見,亦都為Jeff嘅治療,暫時籌得一啲零碎嘅資金,好多謝大家。其實Jeff最想畀多啲人知道呢件事,想聽吓大家都有咩治療嘅意見,亦好想將自己嘅經歷拍攝出嚟。」謝珊珊透露Jeff現時需接受五次電療,先處理背部比較危險的腫瘤,其後再集中治療肺部癌症。
與Jeff同期訓練班出身的藝人有梁証嘉、鄧永健、陳智燊、孫慧雪及謝珊珊等人(受訪者提供)
一班同期藝人感情好好(受訪者提供)
謝珊珊稱Jeff很熱愛拍戲,之前跟同期訓練班朋友一齊拍網絡電影,會通宵唔瞓覺(受訪者提供)
至於跟Jeff同期,在《愛回家》飾演「朱天梯」的梁証嘉接受訪問時都表示好難過,亦在IG轉發相關短片,他説:「我哋平時都有一齊踢波,係波友。成件事好突然、好唔開心,上兩個星期先喺街撞見過佢,當時Jeff都只係講睇醫生,話背脊唔舒服。」梁証嘉感慨人生好無常,沒想過一個經常做運動,生活習慣健康的人會突然患上重病,亦好佩服Jeff有勇氣拍片分享。
梁証嘉分享短片為Jeff打氣(圖片:梁証嘉IG)
(圖片:梁証嘉IG)
如欲有心想為陳積榮的醫療費盡一力,可以透過以下方式:
大家想支持一下小弟醫療上經費,我獻上萬二分感激!
chan chik wing
763 054 020 668 Heng Seng Bank
FPS 轉數快:6691216
你一個分享或鼓勵都可俾我多一份希望。謝謝。
撰文:羅慧怡
責任編輯:楊安莉