【無綫五美之一】「狗奴」陳彥行獲苑瓊丹介紹獸醫牽紅線 「第日嫁得出要跪地斟茶報恩」

陳彥行（行姐）日前帶同愛犬接受苑瓊丹主持的香港開電視節目《開工大吉77》訪問，今年43歲的行姐，感情生活十分低調，但她卻樂於享受單身生活，反而好友苑瓊丹就替她心急，揚言希望行姐可以釣到「金龜」，又笑指要介紹獸醫給行姐這位超級「狗奴」，行姐更踢爆：「有一次佢睇隻狗睇醫生，見個獸醫幾靚仔，走去問人地結咗婚未，話想介紹比我識！」

相關新聞：陳彥行自認狗奴才

{{hket:inline-image name="6.jpg"}}{{/hket:inline-image}}

（圖：大會提供）

{{hket:inline-image name="5.jpg"}}{{/hket:inline-image}}

（圖：大會提供）

93年參加無綫電視藝員訓練班入行的陳彥行，96年與傅明憲、曹眾、彭子晴及姚瑩瑩等女藝員被捧為「無綫五美」，其後在處境喜劇《皆大歡喜》中飾演潑辣三姑娘「金日」一角，演技大獲好評，深受觀眾愛戴，而行姐更與劇中的苑瓊丹、阮兆祥、廖碧兒及鄧兆尊等成為好友，當中就與苑瓊丹最老友鬼鬼，更直呼對方做「老苑」，行姐表示：「當年拍處境劇對得耐成為老友，我所有嘅事佢都好知道，佢可以話係我第二個亞媽。」

{{hket:inline-image name="26394749_1983452925250471_4005288502257254400_n.jpg"}}{{/hket:inline-image}}

（IG圖片）

{{hket:inline-image name="1.jpg"}}{{/hket:inline-image}}

（IG圖片）

行姐透露當年初入電視台拍劇時，思想比較單純，被苑仔取笑自己做大小姐：「佢頭先都話我入行初時係十指不沾陽春水，的確我係好需要照顧，可能係我媽咪照顧得我太好啦，由細到大都係媽咪話事，乜都唔洗我煩。苑仔話我係名門之後，其實我太公係一個烈士，但我都唔敢掛喺口邊，因為自己入行咁多年，都冇咩成就怕影衰祖先。」

{{hket:inline-image name="25008977_1517476511621889_6092992952890556416_n.jpg"}}{{/hket:inline-image}}

（IG圖片）

二人片場結緣，苑仔的義氣之舉，為二人的友誼奠下基石：「我記得有一次同老苑去台灣宣傳，佢見到我攣頭髮幾好睇，一直都記在心中。直到有次我地再拍劇試造型，佢當眾提議話我要整攣頭髮，當時我信晒佢，因為我覺得佢唔會害我嘅。」行姐就話樂天性格，令自己在圈中認識更多朋友：「好似思浩咁，佢平時搵拍檔都係牙尖嘴利，偏偏佢就搵我一齊做節目，佢成日都話我係友誼小姐，佢就係一個箭靶，可能我冇佢咁厲害，佢惹得起我就惹唔起啦！」

{{hket:inline-image name="2.jpg"}}{{/hket:inline-image}}

行姐與媽咪（IG圖片）

行姐就話媽咪控制自己多年，終於到三十歲時「反叛」獨立生活：「當年佢要我去北京讀書，夜晚就搵當地圈中人傾合作，請人食飯都唔知食到幾多錢！返到香港我就搬出去，慢慢自力更生，依家學識咗計數，要為交租、未來做打算。」

{{hket:inline-image name="3.jpg"}}{{/hket:inline-image}}

行姐最近與梁思浩主持清談節目。（IG圖片）

入行至今鮮有緋聞的行姐，感情生活相當低調，身為老友的苑仔就話希望行姐釣到金龜，奈何對方對狗更有興趣：「依家約佢食飯佢都唔出嚟，不時要照顧呢隻狗、帶另一隻睇醫生，睇嚟都要搵個獸醫老公比佢，順便慳番啲醫藥費。」行姐就踢爆苑仔：「有一次佢帶隻狗睇醫生，見個獸醫幾靚仔，走去問人地結咗婚未，話想介紹比我識！睇怕第日我有幸嫁得出，都要跪地斟茶比佢先報到恩。」

撰文：倪小珊