【聲明】港生活網站並無進行電話推廣活動

陳彥行感激苑瓊丹介紹「筍盤」

發佈時間: 2020/08/07

陳彥行(行姐)日前接受苑瓊丹主持的香港開電視節目《開工大吉77》訪問,行姐出道以來鮮有緋聞,感情生活低調,她自爆獲「阿媽」苑瓊丹主動牽紅綫,不時介紹「筍盤」給她。行姐笑言︰「第時我有幸嫁得出,都要跪地斟茶畀佢。」

陳彥行曾與苑瓊丹一齊拍攝處境喜劇《皆大歡喜》,兩人成為好友,她更直呼對方做「老苑」︰「我所有嘅事佢都知道,佢可以話係我嘅第二個阿媽。」行姐透露初入電視台拍劇時,思想比較單純,被苑仔取笑做大小姐,「可能媽咪照顧得我太好,由細到大都係媽咪話事,乜都唔使我煩。」行姐原來是雲南革命黨軍官黃毓英的後裔,被苑仔形容是名門之後,但行姐表示︰「我太公係一個烈士,但我唔敢掛喺口邊,因為自己入行多年都無咩成就,怕影衰祖先。」

同梁思浩合拍

現年43歲的行姐性格樂天,在圈中人緣甚廣,她表示︰「好似梁思浩咁,佢平時搵拍檔都係牙尖嘴利,偏偏佢就搵我一齊做節目,佢成日話我係友誼小姐,而佢就係一個箭靶。」

此外,至今仍是單身的行姐,連苑仔都替她的感情事着緊,盼行姐能夠釣到「金龜」,奈何對方對狗更有興趣。苑仔搞笑表示:「依家約佢食飯,佢都唔出嚟,成日話要照顧呢隻狗,或者帶嗰隻去睇醫生,睇嚟都要搵個獸醫老公畀佢,順便慳啲醫藥費。」行姐即踢爆苑仔︰「有次佢帶隻狗睇醫生,見個獸醫幾靚仔,走去問人哋結咗婚未,話想介紹畀我識!」

撰文︰倪小珊

編輯︰陳禮恒

美術︰梁政敏

陳彥行感激苑瓊丹介紹「筍盤」

行姐演出處境喜劇《皆大歡喜》,跟廖碧兒、阮兆祥等成為好友。(資料圖片)

陳彥行感激苑瓊丹介紹「筍盤」

行姐與梁思浩、李麗蕊一齊在網台開咪,擁有不少粉絲。(資料圖片)