劇集《殺手》今晚將會播出大結局，由於結局篇的這一個星期先後都有不少角色被殺，而且觀眾都好想知到底「殺手獵人」是誰，所以網上討論度非常之高。昨晚尾二集，Parker（謝東閔飾）身份曝光後，被警方和Zero（陳豪飾）追殺，不過他愈殺愈瘋狂，幾乎見人就殺，無辜的Cash（李佳芯飾）、Kill標（戴耀明飾）都亳不留手。Zero要殺佢報仇，但閻武（黎耀祥飾）因Parker脅持住愛女素之（麥明詩飾），故多次出手阻止Zero，最終Zero在混亂間開槍一發子彈射中素之和Parker。
相關新聞：【《殺手》演員瘋狂劇透】黎耀祥唔理監製阻止爆閻武下場 江美儀預告將會發大達？
睇片終於發現Parker係殺人兇手。(圖片：《殺手》電視截圖)
Zero要殺Parker為雯雯報仇。(圖片：《殺手》電視截圖)
閻武出手阻止。(圖片：《殺手》電視截圖)
昨晚Parker向太太素之坦白，講述獅子故事去表達自己心路歷程，再帶住太太逃亡，表現出變態殺手都有癡情的一面，雖然見人就殺，享受殺人的快感，不過他不會殺害太太和外父閻武，而且好希望素之能夠體諒他有超越常人的想法。不少觀眾讚謝東閔的演繹有驚喜，起初呆呆滯滯戲味一般，不過下半段愈來愈好，監製都直言謝東閔下過苦功，演繹有進步空間，但已經非常不錯！
當然昨晚有好多犯駁位，例如網友斥點解盲都可以揸車，但其實早於兩人拍拖時，劇情已經交代Parker曾經試過畀素之挑戰駕駛，的確單靠Parker口述令素之可以駕駛，雖然係有點誇張，但都勉強說得過去。
Parker好變態。(圖片：《殺手》電視截圖)
仲講大話諗住呃老婆。(圖片：《殺手》電視截圖)
佢對素之坦白，嚇到素之想走。(圖片：《殺手》電視截圖)
耳邊講說話加埋呢吓吻別，真係好心寒。(圖片：《殺手》電視截圖)
Parker捉住素之一齊打斷Cash隻腳。(圖片：《殺手》電視截圖)
Cash逃走又惹怒Parker，慘遭Parker扯頭髮再撼頭落地而受傷。(圖片：《殺手》電視截圖)
而觀眾們當然好多都會問，到底Cash有冇死？預告見素之瞓喺醫院病床，代表未死，咁Parker有冇死？冇理由子彈識隔山打牛，素之冇死而Parker死卦？Dino（何遠東飾）下場又係點？咁多人死而送院，警察阿鳳（吳業坤飾）會唔會拉殺手？
相關新聞：【殺手】林景程演小秉日子有功紮馬遊世界 網友追問：「你到底死咗未？」
黑白畫面加上好多血，即係有冇死？(圖片：《殺手》電視截圖)
Zero搵到Cash，但到底死咗未？(圖片：《殺手》電視截圖)
有急救呀，到底有冇死？(圖片：《殺手》電視截圖)
Zero搵Parker報仇，呢場追車戲非常精彩。(圖片：《殺手》電視截圖)
用槍指嚇素之引Parker出動。(圖片：《殺手》電視截圖)
被閻武見到，出手阻止。(圖片：《殺手》電視截圖)
Zero一槍穿過兩人，生死未卜。(圖片：《殺手》電視截圖)
今晚播放大結局，黎耀祥日前早就預告自己會死，預告入面見到閻武見到個女有事，當然好嬲Zero，而Zero內疚之餘，亦慘被阿鳳狙擊，為免捲入殺人罪名，他打算潛逃，不過他主動搵閻武道歉時，最終兩人喺天台打起上嚟，成為兩代「殺手之王」決戰場...黎耀祥話閻武會死，到底係決戰時被Zero殺死，定係心臟有事而死呢？
素之仲喺醫院，即係未死？(圖片：《殺手》電視截圖)
閻武呢個笑容係...？(圖片：《殺手》電視截圖)
Zero似係向佢道歉...(圖片：《殺手》電視截圖)
兩代殺手之王對戰。(圖片：《殺手》電視截圖)
責任編輯：楊安莉