【我們的音樂時代】倫永亮指《似水流年》非梅艷芳莫屬 難忘她最後演唱會病況錐心之痛

J2台節目《我們的音樂時代》暫時播放完第8集，主持許文軒（Edmond）訪問香港樂壇不同界別代表人物，其中包括歌手、DJ、作曲人、作詞人、樂隊等等，雖然經常有人說香港樂壇已死，不過Edmond今次的節目都引起不少迴響，令音樂業界都紛紛讚許。最近兩集，Edmond訪問到資深音樂人倫永亮，先後大談跟林憶蓮、梅艷芳（Anita）和麥浚龍等人的合作感覺，其中當他談到梅姐時，感觸良多。

相關新聞：【那些我愛過的人】馬貫東為林文龍檢查下體放笑彈 戇直外表被指似倫永亮 觀眾受落相當搶鏡

{{hket:inline-image name="AHTHT.jpg"}}{{/hket:inline-image}}

(圖片：《我們的音樂時代》電視截圖)

{{hket:inline-image name="116537809_4580447128633889_4048816251108183376_n.jpg"}}{{/hket:inline-image}}

(圖片：許文軒IG )

{{hket:inline-image name="ATH2.jpg"}}{{/hket:inline-image}}

(圖片：《我們的音樂時代》電視截圖)

倫永亮直言憶蓮和Anita合作大不同，憶蓮會提供不少音樂的建議，但不時遭倫永亮拒絕，反而Anita給予他很大的創作空間。他說：「Anita畀好大自由度我，甚至畀好多機會我，我同佢合唱過兩、三首歌，都係佢刻意製造機會畀我去唱，幫我音樂事業開咗好大度門。大家知道嗎？《心仍是冷》原本係寫畀Maria Cordero唱，後來被唱片公司拒絕咗，但我唔忿氣，覺得首歌會Hit，後來畀Anita聽，佢話幾好，後來仲同我唱咗合唱版，歌曲際遇就係咁，好奇怪！」

{{hket:inline-image name="ATH3.jpg"}}{{/hket:inline-image}}

(圖片：《我們的音樂時代》電視截圖)

{{hket:inline-image name="ATH44.jpg"}}{{/hket:inline-image}}

(圖片：《我們的音樂時代》電視截圖)

倫永亮稱Anita的歌曲幾乎全部都是為她度身訂造，他說：「佢可以carry好多唔同類型嘅歌，《封面女郎》同《黑夜的豹》佢都好鍾意。至於《鏡花水月》講緊係佢嘅心態，好啱佢，收到歌之後兩日佢催我錄歌，我個心都驚一驚：『你何時變得咁積極？』其實佢好坦白講好鍾意呢隻歌，好想知出嚟效果如何。」他笑言Anita同林憶蓮錄音都各有壞習慣，憶蓮只顧食，有時候三小時只是食而沒有錄過音，他說：「Anita錄音領悟力好快，不過如果約佢8點開始，我大約9點就會接到佢助手電話，話Anita肚痛會遲到，大約11點再收到電話話太唔舒服要睇醫生，出現唔到，呢啲都係典型事件。」

{{hket:inline-image name="ATH13.jpg"}}{{/hket:inline-image}}

(圖片：《我們的音樂時代》電視截圖)

倫永亮形容Anita最擅長滄桑慢歌，他憶起自己在Anita的喪禮講過一句說話，他說：「《似水流年》呢隻歌係冇一位女歌手可以唱到咁嘅感覺，我鍾意寫低沉慢歌畀佢，《何日》係好成功，充滿女人味。」

相關新聞：梅艷芳55歲冥壽生日快樂 細訴關於梅姐的五件事

{{hket:inline-image name="G.jpg"}}{{/hket:inline-image}}

(圖片：《我們的音樂時代》電視截圖)

{{hket:inline-image name="30b2c4c1-ae67-4612-9682-62661c799825.jpg"}}{{/hket:inline-image}}

(圖片：《我們的音樂時代》電視截圖)

{{hket:inline-image name="ATH1.jpg"}}{{/hket:inline-image}}

(圖片：《我們的音樂時代》電視截圖)

不過提到最難忘的想必一定是梅艷芳臨終前最後一次演唱會，倫永亮擔任音樂總監，他說：「佢堅持去做音樂會，我好支持佢，我明佢嘅目的。當年每一晚我喺下面彈琴，睇住佢喺上面演繹，我好唔開心。大家好記得佢唱最後一隻歌係《夕陽之歌》，佢著住好長婚紗行上好高樓梯...佢點落返後台呢？原來條路好迂迴曲折，我每晚彈完琴即刻跑去嗰度等佢落嚟，問佢點，佢就會話：『又過左一晚喇...』咁，後來聽返工作人員講，每次佢換衫位，有時佢真係好唔舒服，會發燒、頭暈等等。

{{hket:inline-image name="800_68b4af2a831e7f64ceabd5f0f24ddd12.jpg"}}{{/hket:inline-image}}

(圖片：東星娛樂)

不過倫永亮指當年DVD火速推出，他感覺是唱片公司為了賺錢，問到會否重溫？他說：「我睇到第三首歌就要停...聽到好傷感，聽到係一個生病嘅人唱歌，如果將來我睇開啲，可能我會重溫呢個DVD，懷念呢個朋友。」

責任編輯：楊安莉