陳法拉近年積極喺美國發展演藝事業，不過隨住新冠肺炎疫情爆發，佢嘅工作都受到影響。唔使周圍走，自然多咗時間享受生活，例如近日佢就同法籍老公Emmanuel收到朋友邀請，去田園摘生果。另外陳法拉仲有時間除口罩去海邊散步，佢話自己平時好鍾意宅喺屋企，依家先知點解啲人咁鍾意陽光明媚嘅海邊，因為感覺真係開心咗好多。
(陳法拉instagram圖片)
{{hket:inline-image name="23.jpg"}}{{/hket:inline-image}}
(陳法拉instagram截圖)
雖然陳法拉玩得好開心，但係冇得開工嘅佢依然好掛住拍戲嘅日子。最近佢上載咗張束齊蔭髮型嘅角色造型相畀大家欣賞，相中嘅佢畫咗條黑眼線，搽上烈焰紅唇，好有霸氣女強人感覺。有網民指佢同汪明荃撞樣：「驟眼看有點似年輕時的汪明荃」、「有啲似汪阿姐」、「我的天，同汪明荃太似」仲有人指佢同伍詠薇、湯寶如、鄧萃雯有幾分相似。
(陳法拉instagram圖片)
(《野蠻奶奶大戰哥師奶》電視截圖)
{{hket:inline-image name="24.jpg"}}{{/hket:inline-image}}
(陳法拉instagram截圖)
其實陳法拉呢個咁成熟、復古嘅髮型同妝容原來係參考咗Anna May Wong黃柳霜。黃柳霜係首位美籍華人荷里活影星，早年佢大多飾演妓女、吸食鴉片嘅女子、棄婦等形象負面嘅角色，後來憑電影《上海快車》一鋪翻身，令佢成為知名度極高的女星，個人風格仲一度成為時尚指標。陳法拉呢個造型，完全演釋出黃柳霜當時嘅個人魅力。
(CBS電視截圖)
陳法拉係個好專業嘅演員，佢一向形象百變，以下盤點佢入行多年嘅幾個經典造型：
18歲時，陳法拉去咗日本做交換生，讀書之餘仲被當地女性時尚雜誌《JJ》選中，拍攝多輯時裝照。唔少網民都讚佢係美人胚子，著起日系可愛風嘅裙都襯得起，有啲似年輕時嘅酒井法子。
(陳法拉instagram圖片)
{{hket:inline-image name="14.jpg"}}{{/hket:inline-image}}
(陳法拉instagram圖片)
{{hket:inline-image name="15.jpg"}}{{/hket:inline-image}}
(陳法拉instagram圖片)
2005年陳法拉奪得國際華裔小姐亞軍，隨即加入TVB。後來佢喺《師奶兵團》中性感上陣，身穿三點式被郭政鴻推油，唔少網民喺討論區激讚佢身材好好，封佢為宅男女神。
(tvb.com圖片)
{{hket:inline-image name="16.jpg"}}{{/hket:inline-image}}
(tvb.com圖片)
喺《有營煮婦》，陳法拉剪咗冬菇頭，戴上黑色粗框眼鏡。雖然冇晒女神形象，不過咁麻甩嘅造型都頗受網民歡迎，讚佢個look夠新鮮。
(《有營煮婦》電視截圖)
{{hket:inline-image name="22.jpg"}}{{/hket:inline-image}}
(《有營煮婦》電視截圖)
《蒲松齡》中，陳法拉扮演令狐小翠，佢束住兩條鬢辮，剪埋平蔭，仲戴上白色毛茸茸嘅狐狸耳仔、尾巴登場，非常可愛。
(tvb.com圖片)
(《蒲松齡》電視截圖)
{{hket:inline-image name="26.jpg"}}{{/hket:inline-image}}
(《蒲松齡》電視截圖)
《衝上雲霄II》裡面，陳法拉飾演女機師Holiday，性格反叛，部分頭髮挑染成鮮黃色，仲化上煙燻眼妝，戴上多對耳環、窩釘頸鏈，著皮褸、皮褲，造型幾有型。
(tvb.com圖片)
(《衝上雲霄II》電視截圖)
撰文：張芷晴
責任編輯：楊安莉