【自信滿滿】網紅第35次整容變成木偶尖鼻 網民：整得跟鬼一樣 好可怕

大陸一名21歲網紅韓安冉喺2015年參加咗湖南衞視綜藝節目《變形記之青春作伴》而爆紅，當時佢指自己16歲時覺得樣貌平凡，於是開始整容，佢承認整容整上癮，揚言要「活到老，整到老」。短短5年，韓安冉已經做過34次整容手術，變成超級大眼、錐子臉，同佢之前嘅樣貌大相逕庭。如今佢微博已經擁有480萬粉絲，好厲害。

{{hket:inline-image name="13.jpg"}}{{/hket:inline-image}}

(韓安冉微博圖片)

近日，韓安冉喺微博上更新近況，原來佢要做第35次整容，佢話好想令個鼻達到心目中嚮往嘅形狀：「第六次鼻修復了…我真的做鼻子什麼材料都用過，什麼耳軟骨、肋骨、異體骨、鼻中隔。做鼻子慢慢長路實在坎坷。懂的人應該知道，能把我鼻子做成這樣，醫生真的太牛X了，好多人說特別喜歡我這個鼻子。」

韓安冉坦言覺得以前審美觀好畸形，令佢將塊臉整得太假，所以先會全部重新整形一次，佢解釋：「之前做太多次，攣縮很厲害，而且皮膚沒什麼張力導致朝天，鼻子很短...現在整的容都是小時候畸形審美造的孽！整容一定要自然！自然！自然！不然真的很醜很醜很醜」。

{{hket:inline-image name="12.jpg"}}{{/hket:inline-image}}

(韓安冉微博圖片)

手術後，韓安冉將術前、術後對比相上載到微博，從佢側面相所見，佢嘅臉部線條依舊銳利，個鼻比以前又高又挺，唔只山根突出咗好多，連鼻頭都尖得好誇張，鼻窿都就嚟消失。最後佢鼓勵粉絲同佢一齊整，不過大家唔太欣賞，留言表示好唔自然：「整得跟鬼一樣好可怕」、「真的難看，不協調，特別假，你真的迷之審美」、「感覺還是原來的鼻子更自然」、「鼻頭能戳死人」、「鼻子一直縫縫補補，過段時間就壞了，不想繼續整都難」，仲形容佢個鼻好似小木偶咁。

{{hket:inline-image name="11.jpg"}}{{/hket:inline-image}}

(韓安冉微博圖片)

{{hket:inline-image name="18.jpg"}}{{/hket:inline-image}}

(韓安冉微博圖片)

除咗整容新聞之外，網民都對韓安冉嘅感情世界好好奇。去年3月，韓安冉同老公「小豬」奉女宣布成婚，喺微博上載婚照曬恩愛，4月時韓安冉直播生女，到6月二人直播婚禮，場面盛大。不過唔夠一個星期，韓安冉突然以性格不合，同男方翻臉為由，宣布離婚，再度全程直播。後來二人被傳出好，秘密復婚，但韓安冉遭男方指控婚內出軌，再次離婚，令外界霧裡看花。

▼前夫

{{hket:inline-image name="15.jpg"}}{{/hket:inline-image}}

(韓安冉微博圖片)

▼現任

{{hket:inline-image name="16.jpg"}}{{/hket:inline-image}}

(韓安冉微博圖片)

及後韓安冉識到新男朋友，曾經同佢、BB合照，再將一家3口嘅相放上網，唔少網民轉載栴片，紛紛將焦點放喺BB嘅外表上：「父母都是高鼻樑，為甚麼寶寶塌鼻子」、「這鼻子可是遺傳的明明白白的」

{{hket:inline-image name="17.jpg"}}{{/hket:inline-image}}

(韓安冉微博圖片)

{{hket:inline-image name="14.jpg"}}{{/hket:inline-image}}

(韓安冉微博圖片)

撰文：張芷晴
責任編輯：楊安莉