鍾舒漫被騙5位數 決意訴諸法律

鍾舒漫（Sherman）快將離開效力15年的英皇娛樂，日前她在私人FB披露，與友人投資創業竟遭行內人騙財，她想不到被報章取得FB截圖並刊登，令事件鬧大。昨午Sherman在官方FB拍片澄清，呼籲各界好友與朋友合資做生意要白紙黑字寫清楚，揚言已儲齊證據交予律師處理。她拍片時略帶笑容，心情不算太差︰「有報道話係六位數，為免我將來要繼續處理呢件事，引起不必要嘅誤會，我一定要澄清其實係五位數。」又表示已向「行內人」發律師信，但對方的回覆令人失望，因此才在私人FB尋求意見。

她自言特別private了家人、公司同事及傳媒，豈料仍被人cap圖發給傳媒。Sherman坦言：「整件事真實感覺好差，最緊要係我擺咗感情落去嘅一啲朋友，對我嚟講係出賣，諗起都傷心。」但她堅拒透露對方身份，並稱︰「我真係麻麻地想畀外界人知，呢啲事上咗傳媒就變咗錢呀、罵戰呀，好肉酸。」