【食用安全】水蜜桃食落肚後驚悉內藏生猛活蟲 港男心驚：會唔會消化唔到？【附專家拆解＋揀靚桃4招】

夏天水蜜桃當造，其滋味多汁清甜大受歡迎，不過近日有網民進食水蜜桃時，發現內裡藏有一條白色活蟲，並稱已吃了九成落肚，擔心無法幼蟲。有本地農夫接受《晴報》訪問時指出，水蜜桃皮薄而且味甜，故幼蟲容易走進果內產卵。

該網民昨晚（9日）在網上討論區「連登」以「食食下桃有條蟲爬出黎可以點做」為題，圖文並茂發帖表示進食水蜜桃時，驚覺有一條白色幼小的活蟲從果蒂爬出來；他又稱「已經食咗九成落肚」，遂在網上發問：

「呢種蟲仔會唔會消化唔到！」

事主指水蜜桃是由家人購買，並推斷購自街邊檔，擔心體內無法消化幼蟲，

「我真係驚有迴蟲嗰啲所以向來唔熟唔食包括魚生都唔食，有無咩野杜蟲藥推介，我長期偏瘦。」

帖文引起網民討論，有網民對此感到驚嚇，但亦有人指水果不時出現幼蟲，「桃好似係最常見有蟲嘅生果」、「新鮮生果好難冇蟲 ，正常」，「果蟲食你唔死嘅，年中你都隨時食唔少菜蟲啦」。亦有網民戲稱昆蟲含有高蛋白質，建議事主連桃帶蟲一併吞下，「食埋條蟲補充蛋白質」、「識食一定係食埋條蟲」。

4大挑選水蜜桃及保存方法

歐羅有機農場負責人黃如榮接受《晴報》訪問時指出，由於水蜜桃皮薄香甜，果蠅的幼蟲會在果實未成熟時於果內產卵，幼蟲慢慢在果肉中孵化成蟲，屬正常現象。他表示，果蟲一般不含毒素，通常誤吃後亦不會對人體產生太大影響，但亦不排除會導致部分人感到不適；市民切走受影響的果肉後可如常進食。

黃如榮亦早前分享過4大貼士，教大家如何挑選水蜜桃及保存方法︰

1. 水果身太軟腍、過熟、表面有黑點都不宜選用，多數都是放置時間較長。
2. 桃身有光澤感，味道會更佳
3. 可選擇購買有機水果，減少蟲患出現。
4. 放入雪櫃內作保鮮，冷凍情況下可減低害蟲的活躍程度，減慢變壞速度。

每朝索取《晴報》：精明生活．健康家庭．開心娛樂

撰文：黎穎芯