黛安
黛安

多啦A夢漫畫時光周年企劃 即將登陸香港

發佈時間: 2020/08/11

多啦A夢漫畫時光周年企劃 即將登陸香港

無論大人定小朋友,相信都有鍾意嘅漫畫角色或卡通人物,如果要數最近最hit,一定係陪伴唔少人成長嘅多啦A夢。原來多啦A夢已經面世50周年喇,呢個咁重要的日子一定要隆重其事啦!

「人人期望可達到,我的快樂比天高!」多啦A夢呢首主題曲,好多人都係由細聽到大。黛安收到風,為咗慶祝多啦A夢面世50周年,多啦A夢嘅長期合作夥伴AllRightsReserved,繼早前推出「漫畫迷多啦A夢鑄銅像」大受歡迎後,將會推出「多啦A夢漫畫時光周年企劃」,屆時一幕幕漫畫書入面嘅經典畫面將會重現大家眼前!更多企劃與主題商品詳情,稍後會喺 AllRightsReserved及DDT Store網上平店公布。

黛安知道,AllRightsReserved創意工作室來頭唔少,佢哋最令香港甚至整個亞洲大眾難忘嘅企劃,必定係2013年喺維多利亞港嘅橡皮大黃鴨,所以今次呢個多啦A夢漫畫時光周年企劃,一樣令人好期待啊!

撰文: 黛安 消息特靈八卦公關
欄名: 八卦名利場