【聲明】港生活網站並無進行電話推廣活動

依從遺願低調舉殯 曾志偉為亡妻擇日海葬

發佈時間: 2020/08/11

曾志偉太太朱錫珍於本月3日在港病逝,曾志偉與兒子曾國祥、曾國猷前晚在大圍寶福山紀念館為朱錫珍設靈,昨早於寶福山舉殯,靈柩隨即送往大嶼山寶蓮寺做法事及火化。志偉表示遵從妻子遺願,低調辦喪事,以及日後積極行善。

曾志偉、兒子曾國祥、曾國猷及媳婦王敏奕等親屬穿上全黑素服,昨早八時半到寶蓮寺參加誦經儀式。兩個半小時後,眾人到火葬場完成告別儀式,至中午12時結束後,志偉及曾國祥父子便接受傳媒訪問。

志偉表示順從亡妻遺願,低調處理喪事︰「我哋兩父子都想跟隨佢(太太)意思,因為佢本身係一個好低調嘅人,而且疫情影響,唔想聚集太多人,所以揀咗個寧靜嘅方式。」他透露太太已患病約十個月,患上幾種癌症,所以她自己及家人都有心理準備︰「個仔好乖一路陪住佢,佢離開時一家人都喺身邊,對我哋嚟講唔算太突然,對佢嚟講亦唔再需要痛苦,我哋最唔想佢痛苦。」

曾國祥電影獎項獻母

曾國祥指母親生前已交代後事︰「媽咪想海葬,一切從簡,我哋會擇日再舉行海葬。」曾國祥早前憑執導的電影《少年的你》奪金像獎「最佳導演」等八個獎項,他說︰「希望係送畀媽咪最好嘅禮物,當日我陪媽咪喺醫院睇直播,宣布我得獎嗰刻佢好開心,大家攬住喊。我希望呢一份係我畀佢有史以來最好嘅母親節禮物,好感恩畀佢睇到我少少嘅成果。」

志偉表示喪妻心情哀傷︰「呢個就係人生,我哋一家人都係佛教徒,對生死有個概念。」他指太太生前經常去寺廟做義工廣結善緣,積下很多功德︰「嚟寶蓮寺火化係太太意願,佢生前為寶蓮寺做咗多年義工,所以寺院都落力幫忙,先咁短時間安排好。」父子完成訪問後,折返寶蓮寺舉行解穢酒,亦為傳媒安排齋菜。

撰文︰Pauline

編輯︰李潔盈

美術︰梁政敏

依從遺願低調舉殯 曾志偉為亡妻擇日海葬

曾志偉見到記者時,雙手合十致意。

依從遺願低調舉殯 曾志偉為亡妻擇日海葬

曾國祥希望以電影成績,作為送給母親的禮物。(資料圖片)

依從遺願低調舉殯 曾志偉為亡妻擇日海葬

一連兩日的喪禮以佛教形式舉行。