炎夏攀山拍MV Jer@MIRROR着3層衫熱溶

男團MIRROR成員柳應廷（Jer）個人最新單曲《迴光物語》明日推出，早前Jer在酷熱天氣警告下，前往鄰近邊境的蓮蔴坑礦洞取景，為拍攝靚景在所不惜。原來前往蓮蔴坑礦洞，要先搭車到山頂，登山100米後再落山才到達，眾人孭住極重的器材行山，極度消耗體力，而從未行過山的隊友Anson Lo（盧瀚霆），為了陪伴Jer奉獻第一次，可見二人友情深厚。

Jer回想行山過程也不禁嗌怕怕︰「拍MV最辛苦就係行山，雖然我平時都會行，但經過上次睇景試行一次之後，到拍攝當日已經體力透支，我孭咗好多衫同水，拍攝時仲要着住3、4件長袖衫又戴帽，天氣咁熱，要長期用風扇吹住自己，等自己唔好溶粧。」新歌《迴光物語》對Jer來說，亦是音域上的挑戰，因為歌曲音域較闊，監製王雙駿要求他用澎湃情感去演繹︰「比我上一首歌《水刑物語》難度高十倍，所以之後唱live都驚會緊張，惟有練多啲。」