【聲明】港生活網站並無進行電話推廣活動

炎夏攀山拍MV Jer@MIRROR着3層衫熱溶

發佈時間: 2020/08/11

男團MIRROR成員柳應廷(Jer)個人最新單曲《迴光物語》明日推出,早前Jer在酷熱天氣警告下,前往鄰近邊境的蓮蔴坑礦洞取景,為拍攝靚景在所不惜。原來前往蓮蔴坑礦洞,要先搭車到山頂,登山100米後再落山才到達,眾人孭住極重的器材行山,極度消耗體力,而從未行過山的隊友Anson Lo(盧瀚霆),為了陪伴Jer奉獻第一次,可見二人友情深厚。

Jer回想行山過程也不禁嗌怕怕︰「拍MV最辛苦就係行山,雖然我平時都會行,但經過上次睇景試行一次之後,到拍攝當日已經體力透支,我孭咗好多衫同水,拍攝時仲要着住3、4件長袖衫又戴帽,天氣咁熱,要長期用風扇吹住自己,等自己唔好溶粧。」新歌《迴光物語》對Jer來說,亦是音域上的挑戰,因為歌曲音域較闊,監製王雙駿要求他用澎湃情感去演繹︰「比我上一首歌《水刑物語》難度高十倍,所以之後唱live都驚會緊張,惟有練多啲。」

炎夏攀山拍MV Jer@MIRROR着3層衫熱溶

盧瀚霆(右)陪柳應廷行山兼做助手拎風扇,相當唔話得。