劇集《反黑路人甲》昨晚正式首播，今次是難得一部瘋狂的喜劇，片頭已經充滿驚喜，將劇情剪輯成不同電影的海報。昨晚首集已經有不少搞笑場面，其中最搞笑的是張細倫（王浩信飾）從美國返港，沉醉演戲的他自薦去試鏡，沒想到他率直的個性竟大膽邀請明星Angel姐(高海寧飾）跟他對戲，最終他重演《流氓大亨》入面萬梓良在鄭裕玲床邊的經典一幕，並大叫「So what？」嚇到Angel姐跌落地。高海寧對住王浩信的熱情多次反白眼，充滿喜感。隨後，張細倫在Ｍadam Koo（馮盈盈飾）的車頂上唱歌劇，又飲醉而跟芷珊（湯怡飾）發生一夜情，細倫都非常戇直，竟然送欠單畀芷珊。不過大家焦點都放在王浩信流口水和剪影的一幕。
王浩信由美國趕返香港試鏡。(圖片：《反黑路人甲》電視截圖)
他膽敢邀請女明星Angel姐陪他試戲。(圖片：《反黑路人甲》電視截圖)
浩信投入角色，喊到連鼻涕都就快流出來。(圖片：《反黑路人甲》電視截圖)
經典《流氓大亨》一幕。(圖片：網上圖片)
呢一幕剪影，少少鹹，多多趣。(圖片：《反黑路人甲》電視截圖)
五位演員在劇集播出時同時間開直播傾劇情，高海寧大讚王浩信：「你分飾張細倫同蔣世龍，我覺得張細倫可愛好多，因為平時你啲角色都好醒目，張細倫感覺好得意。」而張振朗睇住自己全裸的場面都非常尷尬，面都紅晒。他說：「有啲尷尬，當時真係好無安全感，我拍完呢場劇終於明白女藝人要拍三點式戲嘅感覺，以後我會好好保護佢哋。」他在社交平台上載照片，並留言說：「要係咁多人面前裸跑....都算係又一個成就解鎖。」大會為劇集推出whatsapp貼圖，其中一張是張振朗的全裸照，拍檔賴慰玲笑言：「請問呢張可以點用？」
相關新聞：【機場特警】每集肥仔肥妹暖場小故事 原來張振朗童年係親姪仔演？
五位演員一邊睇首播一邊開LIVE。(圖片：TVB Youtube 影片截圖)
馮盈盈直播中大爆這一幕是CG效果，架車是電腦效果。(圖片：《反黑路人甲》電視截圖)
張振朗認為拍完裸跑戲是成就解鎖。(圖片：張振朗IG)
賴慰玲對張振朗裸照出STICKERS有意見。(圖片：張振朗IG)
(圖片：張振朗IG)
對於首集已向萬梓良及鄭裕玲致敬，監製林志華受訪時直言：「主要是劇情交代高海寧嬲咗王浩信呢個戲痴，所有致敬戲都係配合劇情推進！希望觀眾覺得過癮！其實集集都有，因為主角細倫係戲痴，今次特登玩呢樣嘢，將搞笑元素擺入反黑行動入面嘅臥底身上！(吸引港產片影迷？)有睇過舊戲嘅會心微笑，後生仔無睇過就當獨立新嘢去睇！」提到首集已見節奏明快，他說：「我特別要求編劇咁做，盡量少啲倫理嘢！(首集已多露肉戲？)依套劇多靚女，主要係想勸人唔好醉酒做錯事。好耐都無呢種劇，希望呢個時勢大家笑完一個鐘，10點半放鬆完就瞓覺！」
今次《反黑路人甲》播出，有五大追看位：
1. 瘋狂喜劇
劇本本身是超現實，找來張細倫這位演員去充當黑社會龍頭接班人，他不是警察亦不是黑幫，純粹是為演戲而扮成蔣世龍。首播已經多次派笑彈，期待近年都不太多的純喜劇作品。
(圖片：王浩信IG）
2. 驚喜女角
湯怡首次正式參演無綫劇集，外表斯斯文文演老師，又跟王浩信發生一夜情，將被迫接手江湖事，相信會有驚喜。而蔣家旻在劇中將擺脫「𡃁妹」形象，以性感嫵媚勾引王浩信。
（圖片：湯怡IG）
大家都留意到王浩信流口水....（圖片：湯怡 IG）
雖然未出場，不過預告入面已經非常有驚喜。（圖片：蔣家旻 IG )
3. hehe情
王浩信暫時未知道將會跟幾多位女演員有感情線，單單第一集就有馮盈盈、湯怡同高海寧，不過最令人期待是他跟張振朗的發展。事關王浩信加入社團之後，跟張振朗兩兄弟拍住上，期間多場hehe場面，兩人都拍到不停瘋狂NG，相信一定會非常搞笑。
佢兩個呢幕NG好多次。(圖片：TVB《反黑路人甲》劇照)
好鬼SWEET!(圖片：TVB《反黑路人甲》劇照)
4. 電影
劇中有向不少經典電影和電視劇致敬的場面，在預告中見過《天若有情》、《英雄本色》、《喜劇之王》等等，相信同樣是電影迷的觀眾一定會睇到有共鳴。
《天若有情》呀！(圖片：TVB《反黑路人甲》劇照)
《英雄本色》都有（圖片：王浩信IG截圖)
5. 漫畫加配樂
首集相信大家都感受到，今次劇集配合不少漫畫的定格效果，或者突然插入純文字的OS或獨白，都是過往在無綫劇甚少見到的，而且亦有搞笑的音效，加強喜劇效果。
片頭幾得意。(圖片：《反黑路人甲》電視截圖)
劇情會加插啲搞笑OS，大家有留意到嗎？(圖片：《反黑路人甲》電視截圖)
責任編輯：楊安莉