「賭王」何鴻燊四房孻女何超欣已經21歲，讀緊美國麻省理工學院，好叻女！近日佢同豪門之後開聚會，喺社交平台大曬靚相。喺聚會中，何超欣同大陸富商嘅千金袁九兒、姚安娜著住露腰上衣同短裙跳舞，瞬間成為網上熱話。佢哋被指係史上最富貴嘅「千億女團」，全因3位嘅家族資產加埋估計過千億。
(網上圖片)
(網上圖片)
(何超欣instagram動態截圖)
最近，何超欣同袁九兒、姚安娜出席好友嘅生日聚會，佢哋參考大陸綜藝節目《創造營2020》中參選者嘅服飾，大騷纖腰、長腿，期間仲跳舞助興，搞笑自封「創造營103」，惹來唔少網民熱議。有網民就讚佢哋同樣高顏值、高學歷、家底厚，表示羨慕：「真富二代聚會」、「學霸的朋友圈都是學霸」、「都是有錢人」。四太梁安琪接受傳媒訪問指何超欣如今正喺上海做暑期工，表明如果囡囡真係想入娛樂圈，佢唔會阻止。
(姚安娜instagram動態截圖)
(袁九兒instagram動態截圖)
(袁九兒instagram動態截圖)
唔講唔知，何超欣呢兩位閨密嘅背景同樣唔惹少，佢哋3個都曾先後獲邀出席《福布斯》雜誌譽為「10大最奢華晚會之一」嘅巴黎名媛舞會。22歲嘅袁九兒爸爸袁亞非係集團董事長，個人資產逾500億港元。早喺15歲，袁九兒已到美國讀書，18歲時入讀當地文理學院排名頭5名嘅Wellesley College，該校著名畢業生有宋慶齡、希拉妮。
(微博圖片)
而22歲姚安娜來頭仲勁，爸爸任正非係電訊公司創辦人，個人資產逾250億港元，媽媽係任正非第二任老婆姚凌，佢仲有個同父異母嘅姐姐孟晚舟。早於17歲，姚安娜就因成績超卓而提早被美國哈佛大學錄取，當年全中國只得4人獲取錄。佢喺校內攻讀電腦工程及統計數據學，曾喺微軟嘅人工智能團隊實習，已於今年畢業。另外，姚安娜精通國畫，亦係位芭蕾舞蹈者，15歲喺上海金寶龍芭蕾舞教室接受準職業訓練，期間參演過《天鵝湖》、《睡美人》等經典芭蕾舞劇，亦她曾到世界各地知名嘅芭蕾舞團進行集訓。
(姚安娜instagram圖片)
(巴黎名媛舞會微博圖片)
{{hket:inline-image name="11.jpg"}}{{/hket:inline-image}}
(姚安娜instagram圖片)
據知獲封為大陸「最美千金」嘅姚安娜，差啲就成為何超欣阿嫂。事緣何猷君同奚夢瑤結婚前，姚安娜就同四太認識，有傳四太覺得佢條件好，同囝囝何猷君門當戶對，一度有意撮合二人，更有傳佢曾拒絕何猷君追求。對於傳聞，四太解釋佢哋只係識個朋友，唔使佢介紹；姚安娜就指的確係四太介紹佢同何猷君認識，大家只屬好友關係，又指並受何猷君所托而照顧何超欣。
(何猷君instagram圖片)
(何猷君instagram圖片)
撰文：張芷晴
責任編輯：楊安莉