馮素波生日撞正限聚令有意外收穫 出書收錄亡父馮峰親筆撰寫文章

日前係馮素波（波姐）嘅77歲生日，咁啱今年佢嘅舊曆生日同新曆生日只係相相差一天，波姐覺得非常難得，不過就因為限聚令同埋晚市禁堂食，令到波姐冇得一家人一齊出去慶祝：「如果冇限聚令，7號晚一家三口（波姐與愛兒及媳婦）當然會食飯慶祝，但現在只准二人聚。」

{{hket:inline-image name="005M25Lsgy1ghigcsl39oj30u013yn96.jpg"}}{{/hket:inline-image}}

馮素波與兒子（馮素波微博）

不過因為咁反而有意外收穫，波姐正日先同阿仔食Birthday lunch，之後再約新抱、姪仔，一人排一餐，變相可以食好多餐生日慶祝飯，容易滿足嘅波姐話咁都好開心！

{{hket:inline-image name="005M25Lsgy1gg62gf6m4uj30wh0u048s.jpg"}}{{/hket:inline-image}}

馮素波與姪兒（馮素波微博）

波姐今年嘅生日願望係希望疫情快啲過去，唔使個個都喺屋企咁悶；第二希望演藝界，包括國內外都恢復百花齊放，社會百業興旺。波姐話自己呢個年紀對事業已經冇乜宏願：「最重要係身體健康，做得一日就做一日，行得就行，食得就食，永不言休。」

{{hket:inline-image name="bkn-20200811001755682-0811_00862_001_03b.jpg"}}{{/hket:inline-image}}

（大會提供）

今年仲係波姐父親馮峰逝世20年嘅日子，馮峰喺人生最後日子，將一批親筆撰寫嘅文章交畀身為大女嘅波姐，內裏有馮峰一生嘅經歷。近日波姐將資料不停翻睇，令佢回憶兒時同父親及家中親人相處嘅日子，不禁喊咗一場又一場。但對波姐嚟講，反而係一種釋懷，因為喊完之後波姐感覺到內心舒服咗好多，先發覺原來自己以前過嘅日子都係假開心。

{{hket:inline-image name="bkn-20200811001755682-0811_00862_001_02b.jpg"}}{{/hket:inline-image}}

（大會提供）

波姐目前忙於整理父親嘅親筆資料，打算加上個人經歷，寫成一本「家傳」：「父親留低呢批珍貴演藝歷史畀我，將佢同自己嘅經歷化成文字，係紀念，都係我送畀父親嘅一點心意。」

{{hket:inline-image name="bkn-20200811001755682-0811_00862_001_04b.jpg"}}{{/hket:inline-image}}

（大會提供）

馮素波父親馮峰，原名馮宜勝，1916年出生，1930年踏足娛樂圈，最初只係做幕後，但當時嘅馮峰身形高大，英俊瀟灑，得名演員白燕、黃曼梨等鼓勵佢，後來轉做幕前，與已故名演員張瑛、馮應湘等合作過多部電影。

{{hket:inline-image name="hqdefault.jpg"}}{{/hket:inline-image}}

（網上圖片）

除了拍電影，馮峰仲有參與粵劇演出。曾喺薛覺先嘅「覺先聲劇團」演出，三十歲已紅遍省、港、澳及星馬一帶，在戲班一直站穩小生位置。直至到佢三十四歲，被健身彈弓傷到左眼，幸好未致失明，但幾年後破相慢慢呈現，生計也隨之進入困境。為咗一家嘅生活，馮峰由主角、配角、丑角，最後連特約工作都做埋。

撰文：黃蘊姿