【聲明】港生活網站並無進行電話推廣活動

利園The ONE皇室堡 推抗疫餐飲優惠

發佈時間: 2020/08/12

黛安又有好介紹,最近好多食肆都推出外賣自取優惠,希慎興業市場推廣及客戶體驗總監林之芃同黛安講,客人而家用Lee Gardens手機應用程式「一掃下單」,即可喺利園區指定餐廳享有低至7折外賣自取優惠。利園區最近更推出「滿$50減$25」外賣自取餐飲折扣,變相可享「折上折」優惠啦。

另外,華置旗下嘅The ONE同皇室堡亦加推抗疫餐飲着數,即日起至本月16日,喺The ONE嘅食肆最低消費滿$100,就會送新派手調茶飲店「茶墨」$25現金券;消費滿$200更可獲文青咖啡店「辦館」$50現金券;而去皇室堡嘅食肆商户消費滿$100,即可獲新式養生米水茶飲「CheckCheckCin」$25現金券!

公關姊妹仲話,The ONE同皇室堡即日起至本月30日亦會推出夏日激安消費禮遇,合共送出3.8萬份獎賞禮品,總值超過$400萬,咁重手,大家千祈唔好錯過喇!

利園The ONE皇室堡 推抗疫餐飲優惠

銅鑼灣利園區知名食店多不勝數,最新加碼推出的外賣自取餐飲折扣更抵食。

利園The ONE皇室堡 推抗疫餐飲優惠

皇室堡與大家疫境同行,為市民及打工仔加推抗疫餐飲着數。

利園The ONE皇室堡 推抗疫餐飲優惠

利園區主打越南菜的安南。

撰文: 黛安 消息特靈八卦公關
欄名: 八卦名利場