利園The ONE皇室堡 推抗疫餐飲優惠

黛安又有好介紹，最近好多食肆都推出外賣自取優惠，希慎興業市場推廣及客戶體驗總監林之芃同黛安講，客人而家用Lee Gardens手機應用程式「一掃下單」，即可喺利園區指定餐廳享有低至7折外賣自取優惠。利園區最近更推出「滿$50減$25」外賣自取餐飲折扣，變相可享「折上折」優惠啦。

另外，華置旗下嘅The ONE同皇室堡亦加推抗疫餐飲着數，即日起至本月16日，喺The ONE嘅食肆最低消費滿$100，就會送新派手調茶飲店「茶墨」$25現金券；消費滿$200更可獲文青咖啡店「辦館」$50現金券；而去皇室堡嘅食肆商户消費滿$100，即可獲新式養生米水茶飲「CheckCheckCin」$25現金券！

公關姊妹仲話，The ONE同皇室堡即日起至本月30日亦會推出夏日激安消費禮遇，合共送出3.8萬份獎賞禮品，總值超過$400萬，咁重手，大家千祈唔好錯過喇！