【聲明】港生活網站並無進行電話推廣活動

C君自爆港姐心水 Do姐即場訓示農夫

發佈時間: 2020/08/12

鄭裕玲(Do姐)與組合農夫前晚錄影特備節目《港姐有問題》,考驗15位候選港姐。Do姐拒絕透露心水佳麗,但農夫成員C君卻「爆響口」,表示對熱門謝嘉怡印象深刻。

鄭裕玲及農夫大讚佳麗們聰明、記性好︰「上至天文地理,下至餐牌,佳麗都識答,幾乎成個餐牌背出嚟,證明人類無極限。」睇好哪位佳麗?Do姐強調一視同仁,所以不會開名,可有留意佳麗的負面新聞?她說︰「無,我好正面嘅!」陸永取笑Do姐說︰「佢連正面新聞都無睇。」他們透露大會稍後將會淘汰三位佳麗。C君講笑說睇好Carol(Do姐洋名),及後自爆欣賞海外佳麗謝嘉怡努力用中文對答,Do姐聞言即訓示農夫說︰「咁樣唔公平呀,你哋唔好亂噏,要保持公正,唔想影響觀眾投票。」

陳楨怡額頭爆瘡

熱門陳楨怡及謝嘉怡一同受訪,見陳楨怡額頭長了不少粒粒,她說︰「因為前一晚通宵溫書準備,令我諗起讀大學時捱夜嘅日子。」而謝嘉怡自言廣東話麻麻,因此反應較他人慢,但已努力改善。提到將淘汰三人,謝嘉怡坦言很想打入決賽,因剛剛才完成隔離,希望繼續比賽。

採訪︰Pauline

編輯︰李潔盈

美術︰梁政敏

攝影︰林良明

C君自爆港姐心水 Do姐即場訓示農夫

陳楨怡(左)及謝嘉怡均有信心晉級決賽。