【聲明】港生活網站並無進行電話推廣活動

湯怡遭真鼻涕滴面嚇到彈開

發佈時間: 2020/08/13

湯怡與傅嘉莉前晚上《流行經典50年》,宣傳有份演出的《反黑路人甲》。提到劇中王浩信在湯怡面前痛哭,兼流出超長鼻涕,湯怡笑說︰「場戲講我昏迷咗,合埋眼瞓喺度,所以唔知王浩信喊到條鼻涕咁長。我以為鼻涕係假,直到導演嗌cut,一開眼見到佢流緊真鼻涕,嚇到即刻閃開。」她透露與王浩信有場車廂親熱戲,由於車廂狹窄,她拍攝時十分緊張,但為了順利完成,她主動提出大家親密一點︰「場戲好快拍完,但因為補拍劇照,所以又錫多幾次。」

傅嘉莉喊戲獲讚

同場的傅嘉莉在第一集中喪父爆喊,演技獲好評,她開心說︰「呢場戲一take過,我放咗好多感情落去,現場燈光師見到都覺得我好淒涼。拍攝時,我幻想自己無咗爸爸嗰種感覺,因為屋企人年紀都大,又曾經身體唔舒服,就投入咗情感。」她透露及後有場戲情緒更加激動崩潰,她喊到連對白也講不清楚。

攝影︰林良明

湯怡遭真鼻涕滴面嚇到彈開

湯怡笑指王浩信爆喊時,竟流出真鼻涕。(影片截圖)

湯怡遭真鼻涕滴面嚇到彈開

傅嘉莉非常緊張在劇中的表現。