【另類料理】$180一包環保可食用飲管煮成湯粉 網民大膽試食：睇落似河粉味道係...

近年不少食肆響應環保「走塑」，由塑膠飲管轉為提供紙飲管或可食用飲管。有網民表示，家人早前突然帶了一包可食用飲管回家，在好奇心驅使下，竟忽發奇想將飲管煮成河粉狀的湯粉，大膽試食後大讚口感嫩滑，獲網民讚賞有實驗精神。

網民Veggie Poman投稿至Facebook專頁「Day Day Explode 日日爆」，指平時家中本身並無使用飲管的習慣，但早前家人帶了一包可食用飲管回家，有天更忽發奇想，「想試下啲飲筒係咩味」，遂將整包飲管加熱煮食，並以餃子及魚蛋作配料，「煮成一堆河粉唔似河粉嘅嘢」。事主大膽試食後，得出以下評價：

「冇味，睇落似河粉，但有啲削，不過好滑。」

{{hket:inline-image name="117543387_144948820639639_5945987352783272279_n.jpg"}}{{/hket:inline-image}}

可食用飲管煮熟後，與河粉甚為相似。(Facebook專頁「Day Day Explode 日日爆」圖片)

從該可食用飲管的包裝可見，其主要成份為大米和木薯，食物類別為通心粉(macaroni)，可食用限期為2年。據其進口商提供的產品資料顯示，該產品可供食用且全生物降解，可放置在熱飲內2至3小時，放置在冷飲內更可達4至6小時；售價每包100元至180元，由其款式及數量而定。

帖文引起熱烈討論，網民均大讚事主一家有實驗精神而且創意十足，「應該係呢個世界上第一碗飲管粉」、「真正做到將環保食落肚」、「成份係米同木薯粉，應該幾好食」、「睇成份的確係可以當河粉食嘅...」；有人略嫌食法清淡，建議可多添加調味料，「加啲鹽味道應該唔錯」、「差一羹辣椒油啊」、「呢個得，加色多青吖唔該」。

又有人提供其他創意食法，包括製成甜品及炒粉等，「加啲椰汁同黑糖落去應該會幾好味」、「攞嚟整芒果河粉應該唔錯」、「好想釀啲芝士落去整mac&cheese(芝士通心粉)」、「喂老細~整返碟乾炒牛筒」。

圖片及內容獲「Day Day Explode 日日爆」及事主Veggie Poman授權轉載

每朝索取《晴報》：精明生活．健康家庭．開心娛樂

撰文：黎穎芯