藝人林子博的太太董燕君（Shirley）現時正在努力抗癌，早前她因嘗試全新的標靶藥引發副作用，頂胃之餘，腫瘤位置更加痛，一度要入院求醫。Shirley入院六日後，由子博接出院，她在社交平台報平安，但承認無助感很重，只盼望不想再出現痛症。太太出院，子博總算放下心頭大石，他昨日在社交平台問網友們意見，他問：「點解狗主會幫狗絶育？好處？壞處？絶育真係健康長命啲？」大批好朋友和狗主都留言給予意見，連馬浚偉留言表示：「我都明嘅，但係又唔係好贊成...」
相關新聞：【指醫生已經盡力】林子博太太靠嗎啡針止痛又暈又嘔 出院報平安：希望唔好再無端端痛
林太日前終於出院休息。(圖片：董燕君FB）
林子博為氹太太同小朋友開心，特別帶來小狗薯仔。(圖片：林子博FB )
林子博問網友意見。（圖片：林子博 IG)
原來子博一家四口之外，近幾個月還添了一個新成員，牠就是一隻柯基犬薯仔。在他社交平台所見，薯仔非常可愛，為林家帶來很多歡樂，子博留言說：「以後我出咗街，你就要幫我氹得林太開開心心～知道冇？」
薯仔真係好可愛。（圖片：林子博 IG)
氹林太開心嘅任務交畀你喇，薯仔！（圖片：林子博 IG)
子博接受《晴報》電話訪問，他表示：「薯仔依家6個月大，佢3個月大時嚟到我屋企，因為朋友嘅狗生咗，咁我就領養其中一隻。初頭諗係想佢陪太太，疫情冇諗過咁耐，因為擔心我要開工，之後仔女又要開學，狗仔可以陪住太太，如果佢舒服少少，行得走得，咁又可以落街散散步。(太太出院後情況如何？)其實都係有唔舒服嘅情況，不過佢始終鍾意留喺屋企多啲。」
相關新聞：【標靶藥引發副作用】林子博太太病情反覆打嗎啡水止痛 望集氣「希望會有奇蹟出現」
（圖片：林子博 IG)
子博表示太太好鍾意薯仔，他說：「佢以前養過貓就冇養過狗，冇諗過原來狗狗好親主人，我見佢都好開心，成日同隻狗傾偈同玩。」
子博原來不是新手，他10幾歲時都養過狗，他說：「不過養法就唔同晒，好多嘢例如打針、狗糧、交通等等資訊，我都會主動問狗主朋友意見。」對於狗狗的絕育問題，子博表示：「其實我已經預約好絕育手術，不過自己心情好矛盾，好似對佢好殘忍咁。聽好多狗主人講狗仔發情期會遇到問題，主人解決唔到佢需要，又未必打算幫佢搵隻乸，加上聽講狗仔絕育之後會健康啲同長命啲，我諗最重要係呢一點。」
（圖片：林子博 IG)
（圖片：林子博 IG)
（圖片：林子博 IG)
子博前陣子排戲都有帶埋薯仔去探班。（圖片：林子博 IG)
責任編輯：楊安莉