中銀捐助流動車 為基層提供膳食支援

疫情下唔少社區飯堂都暫停提供飯餐，為咗協助紓緩基層困境，黛安知道中銀香港捐助咗惜食堂設立「惜食分餉流動車」，一日2次，去8個偏遠地區，派飯畀有需要嘅獨居長者、行動不便人士同低收入家庭。

流動車有保溫設備，方便運送冷熱飯餸、湯水保鮮等。每日受惠者多達360人次，真係幫到唔少人。好似單親爸爸陳先生就係其中一名受惠者，佢同3個年幼子女住喺屯門鄉村，因為唔多識烹調，平時一家都係食吓即食麵或罐頭食品。因為學校停課，佢要照顧埋小朋友嘅三餐，覺得好吃力。陳先生同黛安講，自從有流動車派飯服務後，每日都食到新鮮煮好嘅飯餐，仲有一些乾糧物資。佢仲話小朋友可以食到營養均衡嘅飯，身體都比之前強壯咗。

黛安知道，中銀香港由2016年已開始捐助惜食堂設立「惜食分餉站」，回收及有效運用可食用食物，製作飯餐同食物包送畀基層長者同低收入人士。計劃推出後已有逾800萬人次受惠喇。