【聲明】港生活網站並無進行電話推廣活動

與湯洛雯一齊煎牛扒 馬國明:識煮食會加分

發佈時間: 2020/08/14

全新一輯烹飪節目《Gi味俱全2》將於myTV SUPER推出,昨日舉行記者會,主持黃淑儀(GiGi姐)邀請在《On Call 36小時》飾演其乖仔的馬國明撑場,他更把握機會即場向GiGi姐偷師。

黃淑儀在記招上示範香椿醬拌素蝦蒸雞蛋,的確色香味俱全。節目共有48集,GiGi姐表示今次要設計多款菜式,她自爆︰「本來以為可以跟之前14本烹飪書啲菜式『過骨』,點知原來要配合贊助商,我要重新諗多啲菜式,有少少難度,但好開心接受呢個挑戰。」

一直站在GiGi姐身旁的馬國明,全程擔任助手,他表示︰「好多餸菜唔係個個都識煮,但有啲簡單嘅都容易學,最重要係識得個竅門。」問他可有學煮幾個餸用來冧女友湯洛雯?他笑言平時甚少下廚,從小到大都跟媽媽一起住,每次走入廚房反而會被媽媽趕出去。

現時馬明又有否跟湯洛雯一同下廚呢?他回應︰「試過煮牛扒,都係一啲簡單嘅菜式,始終我哋兩個煮嘢食唔叻,當然如果女仔識煮食,一定會加分!」GiGi姐聞言即向馬明教路:「女人學識煮三個餸就可以,喺生日、結婚周年同紀念日入廚就夠。」她更笑言日日煮,反而不會有人珍惜。

GiGi姐稍後再約鄧達智食飯

此外,時裝設計師好友鄧達智確診新冠肺炎後,目前已康復出院。GiGi姐可有慰問對方?她表示︰「其實(上月)11號晚同佢食完飯,到25號佢就同我哋講自己中咗招,嚟唔到gathering,不過依家知道佢已經返咗屋企休息,大家都放心。之前我都有做檢測,都係為求安心。(有無去探佢?)暫時唔會喇,佢住咁遠,或者等過咗限聚令之後,再約埋一齊飯聚啦。」

採訪︰Pauline

編輯︰陳禮恒

美術︰梁政敏

攝影︰林良明

與湯洛雯一齊煎牛扒 馬國明:識煮食會加分

GiGi姐即場下廚示範新菜式。

與湯洛雯一齊煎牛扒 馬國明:識煮食會加分

湯洛雯(IG圖片)