作客陳志雲網上節目自揭出櫃 小肥︰緊張但我自豪

來自澳門的男歌手小肥（徐智勇）日前接受陳志雲訪問，他在節目中含淚自揭同志身份，直言以前對出櫃的態度是「想坦白，但好難衝破」。昨午小肥在IG發文稱「驚魂未定」，多位圈中好友如陳慧敏、方力申也留言力撑，有人更稱為小肥的勇氣感到自豪！

44歲的小肥日前接受陳志雲的YouTube頻道節目《Stephen‧傾》訪問，節目已於昨晚上載，小肥竟然公開其同性戀者身份，令各界震驚。

陳志雲在節目中問道︰「有件事你同我好似，記者成日問我係咪鍾意男人？有好多人咁問過你，你通常點樣耍開佢哋？」小肥即有所暗示︰「未準備好，其實一路都驚，心裏面有啲負擔……其實到28歲先確定某啲嘢，28年，我都一直否定緊自己某啲嘢，習慣咗，同埋一個恐懼，自己都驚咗，如果承認咗某啲嘢會點呢？」他其後更稱︰「我想坦白，但係好難衝破。」陳志雲再問他是否承認自己的性取向？小肥直認不諱︰「係呀！我未準備好去面對，未行第一步，第一步畀咗你。」

藍奕邦讚「好嘢」

消息傳出後，小肥昨午在IG留言︰「驚魂未定……嚇親大家，唔好意思。仲好緊張，但我自豪。」他更於文尾打了五個彩虹的表情符號，出力維護同志平權。對於忽然出櫃，小肥回應傳媒時坦言暫不欲以此題目博宣傳放大自己。

至於陳志雲接受本報訪問時，被問到如何說服小肥出櫃，陳志雲簡單回應︰「無特別，只係閒話家常咋！」

此外，小肥好友包括雷深如、陳慧敏、方力申、余迪偉、C AllStar的陳健安等，也在小肥的發帖留言加油，同樣被人關注性取向的藍奕邦更稱︰「好嘢。」

其實，小肥在14年曾在社交網追蹤多位大隻仔，惹來網民懷疑其性取向，但他當時矢口否認︰「我唔係基，但我唔歧視同性戀！」相隔多年，小肥終於衝破心理關口，未知會否啟發其他藝人也考慮公開出櫃。

撰文︰Steven

編輯︰黃寶恩

美術︰Simon