【拍片放閃】王祖藍當懷孕李亞男係公主咁錫 為老婆安心養胎咩家務願意做

日前（12日），王祖藍帶李亞男同一歲半大嘅囡囡Gabrielle王天韻去咗上海迪士尼樂園玩。著住黑色背心、熱褲嘅李亞男佗緊第二胎，個肚愈來愈大，但四肢依舊纖幼。至於王祖藍就負責喺一路上照顧囡囡，最後單手抱住Gabrielle影全家福，好man。

{{hket:inline-image name="23.jpg"}}{{/hket:inline-image}}

(李亞男微博圖片)

有網民就將焦點放咗喺Gabrielle身上，指佢大個咗唔少，遺傳咗爸爸王祖藍個樣，兩父女似到十足。不過有網民留意到王祖藍一家大部分合照都冇戴口罩，只係得一張有戴，而囡囡更加全部合照都冇戴口罩，唔少人都留言指佢哋衛生意識偏低，應該注意安全，又指責佢哋太自私，冇為其他人著想。

{{hket:inline-image name="19.jpg"}}{{/hket:inline-image}}

(李亞男微博圖片)

{{hket:inline-image name="21.jpg"}}{{/hket:inline-image}}

(李亞男微博圖片)

{{hket:inline-image name="20.jpg"}}{{/hket:inline-image}}

(李亞男微博圖片)

{{hket:inline-image name="22.jpg"}}{{/hket:inline-image}}

(李亞男微博圖片)

除此之外，最近王祖藍同李亞男上大陸綜藝節目《做家務的男人》第二季做嘉賓，亦成為唔少網民熱烈討論嘅話題。節目中，王祖藍唔介意將私下生活公開人前，令到大家對佢嘅了解又再加深。例如佢叫Gabrielle出鏡，畀大家睇吓兩父女日常相處嘅一面，仲公開埋李亞男去醫院產檢、照超聲波嘅畫面。雖然王祖藍冇公開第二胎嘅性別，但從片段中可見佢緊張BB嘅模樣，唔少網民睇完都紛紛大讚佢係好老公、好爸爸。

{{hket:inline-image name="24.jpg"}}{{/hket:inline-image}}

(《做家務的男人》電視截圖)

其實王祖藍點會只係陪李亞男產檢咁簡單，自從李亞男宣布佗第二胎後，佢差唔多日日都拍片，畀大家睇吓佢嘅寵妻行為。王祖藍話李亞男佗住BB好辛苦，先送佢名牌手袋，等佢威下，再為BB準備咗唔少升學用嘅禮包、新衫仔。

{{hket:inline-image name="16.jpg"}}{{/hket:inline-image}}

(王祖藍抖音短片截圖)

{{hket:inline-image name="17.jpg"}}{{/hket:inline-image}}

(王祖藍抖音短片截圖)

另外如今王祖藍包辦晒全部家務，叫李亞男咩都唔好做，等佢嚟做，例如幫手切生果、斟暖水、打掃書房、抺抬、洗衫、抺地、拎行李、按摩等，佢話會盡量完成李亞男所有要求：「為了讓老婆開心，我做了999種家務。她說只愛我一個，帶我走出了乏味的生活。」

{{hket:inline-image name="15.jpg"}}{{/hket:inline-image}}

(王祖藍抖音短片截圖)

{{hket:inline-image name="14.jpg"}}{{/hket:inline-image}}

(王祖藍抖音短片截圖)

{{hket:inline-image name="13.jpg"}}{{/hket:inline-image}}

(王祖藍抖音短片截圖)

王祖藍又笑言自己肥咗好多，因為當李亞男有咩唔啱食，佢都會幫佢食。即使被李亞男倒水整蠱，王祖藍都冇發嬲。

{{hket:inline-image name="12.jpg"}}{{/hket:inline-image}}

(王祖藍抖音短片截圖)

{{hket:inline-image name="11.jpg"}}{{/hket:inline-image}}

(王祖藍抖音短片截圖)

琴晚直播帶貨時，王祖藍又表現出好男人一面，佢先形容李亞男做公主，細心幫佢戴頸鏈，又餵佢食雞翼，氹到李亞男不時甜笑。唔少睇緊直播嘅網民都話好羨慕，為李亞男覺得幸福：「王祖藍好到猶如神仙，兩個人互動太甜」、「娛樂圈模範夫婦名不虛傳」、「這大模就是嫁給愛情的模樣」、「夫婦能感情這麼好不容易」等，仲搞笑指：「狗糧已經吃飽了」。

{{hket:inline-image name="18.jpg"}}{{/hket:inline-image}}

(王祖藍抖音直播截圖)

撰文：張芷晴
責任編輯：楊安莉