【師傅教路】刮走苦瓜囊減苦澀味更清甜 整涼瓜豆卜炆鹹鯇魚更入味貼士

涼瓜又名半生瓜，有些人最怕吃到苦瓜的苦澀味。YouTuber「職人吹水」星星師傅拍片早前分享，教整涼瓜豆卜炆鹹鯇魚，並教大家如何減少苦瓜的苦澀味、令豆腐卜更容易吸收魚汁精華，又分享洗魚技巧，除去魚腥味。

豆腐卜入味貼士

星星師傅指今次這道菜的主角是豆腐卜。選購豆腐卜時，拿上手檢查是否很油、有光澤及飽滿。星星師傅提醒，每次回家後最好都用煲過的滾水碌一碌豆腐卜表面的油分，將原本炸過的油分浸出，然後再洗幾次，可以用壓榨一下所有水分，煮的時候就可以吸收汁的精華。最後，再將豆腐卜一開為二即可。

清走涼瓜囊 可刮走「瓜青味」

星星師傅表示，選購涼瓜可留意其莖部是否鮮嫩，一條新鮮涼瓜應該呈現飽滿及有光澤。處理涼瓜時，可以先切開頭段、尾段及中間切一刀，再用湯匙刮走涼瓜囊，目的是刮走「瓜青味」。清洗3至4次後，再將涼瓜切段，大約一隻手指長度就足夠。

{{hket:inline-image name="2.png"}}{{/hket:inline-image}}

用湯匙刮走涼瓜囊 （影片截圖）

洗魚要洗幾多次？

先用兩湯匙鹽醃製一晚，再用保鮮紙包好，放入冰箱內。檢查魚鱗是否已經完全清走，如發現魚皮上還有魚鱗，可用刀刮走。然後，再用刀在魚先介幾刀再浸20分鐘，令煮的時候更容易熟。星星師傅提到，很多網友會問到底要洗多少次才算乾淨。星星師傅指，「烹調煮食唔好一本通書睇到老，一定要知個結果，係咪洗到個魚身所有魚皮乾淨，魚身裡面都係乾淨」。清洗乾淨及印乾魚身後，可用半茶匙胡椒粉調味。

{{hket:inline-image name="1.png"}}{{/hket:inline-image}}

師傅提醒，魚身要清洗乾淨然後抹乾。（影片截圖）

涼瓜豆卜炆鹹鯇魚

材料︰魭魚半條、豆腐卜150克、涼瓜300克、洋蔥半個、乾蔥一粒、豆豉醬一湯匙

做法：

1. 先切半個洋蔥至粗條，乾蔥去衣切片；將涼瓜切開一半後再清洗3至4次；
2. 將鯇魚洗淨，瀝乾；
3. 燒熱鑊落油，放魭魚用大火煎香，然後反轉再煎，待出煙後可轉小火，上碟備用；
4. 加洋蔥、乾蔥落鑊炒，加入涼瓜再炒，加入豆豉醬；
5. 加熱水，蓋過所有材料即可，再加兩茶匙砂糖、一湯匙蠔油；
6. 放魭魚轉慢火；再加豆腐卜；閂蓋煮8分鐘；
7. 先將魭魚上碟，然後保持慢火再煮一煮其他配料；可再按口味加入生抽及老抽；
8. 最後加一個茶匙生粉水埋茨，即可上碟。

▼詳細教學片▼

影片獲「職人吹水」授權轉載

{{hket:youtube id="RNNTkTbohW8"}}{{/hket:youtube}}

每朝索取《晴報》：精明生活．健康家庭．開心娛樂

撰文︰潘迦晴