2007年港姐冠軍、36歲的張嘉兒在2015年與34歲金融才俊Nathan結婚，婚後誕下Leora及Hannah，一家四口非常幸福。不過最近張嘉兒就在社交網透露自己遇上難題，指兩個女兒開始「爭寵」：「Leora好大聲咁話佢唔鍾意Baby Hannah」；「知道妹妹都開始不滿家姐成日都可以霸住媽咪」，更急急問網民她應如何是好，相當頭痕。
（圖片：張嘉兒facebook）
（圖片：張嘉兒facebook）
張嘉兒表示：「最唔想發生嘅事今日終於發生，Leora好大聲咁話佢唔鍾意Baby Hannah，仲話我成日啲注意力俾晒妹妹，話我唔理佢，又話冇人同佢玩。」張嘉兒指呢個絕對唔係事實嘅真相，反而覺得自己時間擺妹妹到唔夠多，更希望網民幫佢諗諗計。「我都知道妒忌呷醋係好正常嘅事，不過呢個情況真係令到我有少少痛心。因為我知道妹妹都開始不滿家姐成日都可以霸住媽咪。你哋屋企嘅小朋友妒忌呷醋嘅情緒維持幾耐呢？」
（圖片：張嘉兒facebook）
（圖片：張嘉兒facebook）
有網民就指自己都有面對這個情況，更指是「沒完沒了」，張嘉兒表示認同：「講得啱因為我都記得我同我家姐都係不和到中學」。而有不少網民就向張嘉兒提供意見：「其實兩姊妹不和可能係天註定！好殘忍，但是事實！可以從家姊入手，同家姐講，是天父送妹妹給Leora的，是它令Leora生活有個伴，大個咗互相倚靠，扶持，相親相愛，講心事！所以Leora要學懂愛錫妹妹，而妹妹也會更愛家姊！比多啲機會家姐去教妹妹，讓家姐有責任！」
（圖片：張嘉兒facebook）
張嘉兒的女兒Leora及Hannah分別為3歲及1歲。大女Leora多才多藝，十分有表演慾，最近她亦不時在在片中唱歌跳舞，張嘉兒更為她開live直播畫畫，一班觀眾亦看得相當開心。
（圖片：張嘉兒facebook）
（圖片：張嘉兒facebook）
直播Leora畫畫（圖片：張嘉兒facebook）
Leora扮美人魚載歌載舞（圖片：張嘉兒facebook）