搞笑藝人黃建東接受節目《我要做業主》訪問，提到自己置業的夢想，他表示希望可以為家人購買一個三房單位，原因是廿年前當他得悉父母儲夠首期準備上車置業時，他跟父母提出好想去外國讀戲劇，最終爸爸決定將首期的儲蓄供他去外國讀書。
相關新聞：《愛回家》黃建東扮阿Paul傍住白富美姐姐 集合眾多仿‧著名作家驚喜現身
（圖片：受訪者提供）
（圖片：受訪者提供）
（圖片：《我要做業主》電視截圖）
（圖片：《我要做業主》電視截圖）
黃建東一家四口住在居屋單位，與弟弟同房瞓碌架床，阿東在外國讀書四年，加上兩年工作，差不多花了近百萬，對當年而言絕對足夠購入三房單位，好好生活。阿東說：「我覺得自己很幸福，咁多年來家人都好支持我，永遠都係放手畀我去，從來冇畀壓力我，亦冇要求我買返層樓畀佢。爸爸係好慳家，為慳一蚊寧願行多一個站。我做藝人之後因為好多衫，佔據屋企好多位，見到爸爸喺個廳好迫，媽媽又冇位練舞，其實係過意不去。」
（圖片：《我要做業主》電視截圖）
「我願望係買返一層三房單位畀我父母，因為本身佢哋廿年前已經可以享有，只係我呢個不孝子用咗啲錢嚟讀書，我好感激父母。我一向都唔揀工作，咩工作都接，自己支出亦盡量減少，所有衫都係大減價買，做藝人好想要架車方便出入，但都係坐交通工具先啦，希望盡量儲多啲錢。」可惜儲錢總係追不上樓價的上漲，但阿東從沒想過要父母幫忙，他說：「首次置業多數人要搵父母幫，但我中學時真係拎咗太大嚿錢走，所以我覺得自己工作，唔容許再問佢哋拎，我過唔到自己嗰關。」
相關新聞：【機場特警】黃建東身形脹爆變機場「凸」警 「我事前努力減咗磅喇」
（圖片：《我要做業主》電視截圖）
（圖片：《我要做業主》電視截圖）
（圖片：受訪者提供）
（圖片：受訪者提供）
（圖片：受訪者提供）
黃建東接受《晴報》電話訪問，他表示跟父母一齊收看節目，睇到好感動，他表示：「父母叫我加油，因為我答應買返個三房單位畀佢哋，佢哋都話好期待有呢一日，不過媽咪就叫我上到車先啦，細間再換大間，唔好再等樓價跌。（同細佬夾份？）冇啦，我細佬佢好乖，佢幾年前買咗細細間做業主，依家都努力供緊，咁所以我要靠自己努力去買樓。」阿東昨晚為弟弟「阿豬」慶祝生日兼分享照片，網友除了笑兩位的「孖煙囪」好搶眼之外，更有人留言指兩兄弟好似樣，又讚細佬好靚仔，網友留言問：「點解叫人阿豬？明明一睇就你肥過佢。」
責任編輯：楊安莉