何雁詩性感拍片教減肥惹負評 高EQ長文回應：毋須反應過大

受到新冠肺炎疫情影響，何雁詩同鄭俊弘嘅婚禮改期到今年年底舉行，何雁詩喺社交平台發文，自嘲留家抗疫期間放寬對身形嘅要求，肥咗唔少。近日，佢決心喺兩星期內修到身，終成功喺7日內瘦咗一個碼。佢將減肥前後對比圖放上網同大家分享，見到佢身材比之前結實，仲有腹肌，好厲害。

{{hket:inline-image name="11.jpg"}}{{/hket:inline-image}}

(何雁詩instagram圖片)

何雁詩表示唔少朋友請教佢修身方法，啟發佢決定拍片，教人點喺短時間內減肥。正式公開條片前，何雁詩喺社交平台分享咗9秒長嘅NG片。片段中佢身穿低胸運動Bra Top，俯身調整鏡頭，上圍身材表露無遺，之後佢講咗幾句嘢就「食螺絲」。吳業坤留言笑指睇咗條片50次，叫何雁詩唔使多謝佢。何雁詩回覆時特意標籤未婚夫鄭俊弘嘅IG帳戶，吳業坤即「戴頭盔」同鄭俊弘講佢老婆首新歌好好聽，認真搞笑。

{{hket:inline-image name="16.jpg"}}{{/hket:inline-image}}

(何雁詩instagram短片截圖)

{{hket:inline-image name="17.jpg"}}{{/hket:inline-image}}

(何雁詩instagram短片截圖)

{{hket:inline-image name="19.jpg"}}{{/hket:inline-image}}

(何雁詩instagram短片截圖)

{{hket:inline-image name="18.jpg"}}{{/hket:inline-image}}

(何雁詩instagram短片截圖)

{{hket:inline-image name="12.jpg"}}{{/hket:inline-image}}

(何雁詩instagram截圖)

至今短片已超過10萬人觀看，引來唔少網民熱議。有唔少網民讚何雁詩身材好好：「窒息啦！禾稈冚珍珠！」、「你胸部保養不錯」、「有自信，喜歡」；但亦有網民批評佢：「想露都唔使咁呀」、「表面上NG，實際上露波」、「好似特登着細咗個碼」、「唔好做到自己咁cheap」、「頭一秒係咪真係有需要」，「肉酸」，甚至有人爆粗鬧佢。

{{hket:inline-image name="14.jpg"}}{{/hket:inline-image}}

(何雁詩instagram截圖)

何雁詩逐一回覆網民，佢解釋平時運動就係咁著，覺得大家反應唔使咁大。佢話既然有網民覺得過分咗，佢會尊重大家同聽取大家意見，下次會留意形象，不過佢強調唔可能討好所有人，只會盡力學習，做好自己：「如果討好全世界是我的目標，那的想一輩子也沒可能實現。」唔少粉絲為何雁詩抱不平，指部分網民大驚小怪，又讚佢回覆網民嘅態度大方得體、EQ高，點知被網民鬧埋一份，何雁詩回覆：「請不要攻擊其他人，你攻擊我好了」

{{hket:inline-image name="15.jpg"}}{{/hket:inline-image}}

(何雁詩instagram截圖)

琴晚(16日)何雁詩上載正式減肥教學片段，同時佢再撰文回覆網民：「女生的體型經常受到很多不同的意見，但是最重要的是自己感到有信心和健康，而穿著也是一樣。當然每一個場合有合適的衣服，例如做運動會穿健身衣服、游泳會穿泳衣、婚禮或喪禮也有應有的dress code。除了這些特別場合之外，無論我們是高矮肥瘦都應隨著自己的喜好穿著，不應因為別人的意見而忘記自己的個性。希望今次嘅分享可以為大家帶嚟多少少正能量和動力，保持健康身體去面對疫情。」

{{hket:inline-image name="13.jpg"}}{{/hket:inline-image}}

(何雁詩instagram截圖)

{{hket:inline-image name="20.jpg"}}{{/hket:inline-image}}

(何雁詩YouTube短片截圖)

撰文：張芷晴
責任編輯：楊安莉