劇集《過街英雄》終於首播，事前一度被收起成為「倉底貨」，臨播放前又被指劇中所有角色都是以香港現職的立法會議員名字起名，有影射的風險。昨晚第一集播出，森美飾演的雜誌社記者和飾演警察的黃翠如經常發生衝突，在意外中，離開警隊的翠如揭發了森美的老鼠俠身份和技能，於是招攬他加入偵探社。觀眾相信不難發現，劇集中有大量重新配音，發音跟原本的嘴形完全唔夾。由於劇集早在去年底就在馬來西亞播映完畢，本報特別翻查原來版本的第一集，發現對白有11段不同之處。
相關新聞：《森美旅行團》體驗日本上班時間搭地鐵 森美麥美恩教你3大車廂禮儀
森美飾演老鼠俠能夠飛簷走壁。(圖片：TVB《過街英雄》劇照）
黃翠如追上前一探究竟。(圖片：TVB《過街英雄》劇照）
被追到上天台。(圖片：TVB《過街英雄》劇照）
結果見到隻貓，驚到暈咗。(圖片：TVB《過街英雄》劇照）
原本：先生，如果你再唔合作，我就拉你返差館。
新版：先生，如果你唔介意，就畀部電話我檢查一下。
原本：你嚇我呀？我做記者呀，成日入差館攞料呀！你估你係邊個？警務處處長？保安局局長！
新版：你係咁Loop嘅？畀個理由我吖，點解我會唔介意呀？你估你係邊個？美國總統？定飛天豬女俠？
原本：我部手機呀，差婆！死八婆死差婆！
新版：我部手機呀，八婆！死八婆賣菠蘿！
原本：咁我使唔使90度向你鞠躬道歉呀？
新版：咁你使唔使拎住我部電話嗌極唔停呀？
原本：我喺度同你講道理啫
新版：我喺度捉緊賊啫
原本：我係PC66437宋凱甄，做咗警察6年，喺警察柔道比賽攞過冠軍，之前守過龍蛇混雜嘅屯門，啱啱上年調嚟呢一度做CID嘅，我覺得絕對有資格同你講嘢！
新版：我叫宋凱甄，我淨係想同你講幾句啫，我學咗柔道廿年，我師傅Wasabi生成日教我，想贏就唔可以輸，啱啱同你講咁多嘢，就係叫你等耐時機，所以我懇請你耐心等耐！
馬來西亞播出的原汁原味版。(圖片：網上截圖)
無綫播出的版本重新配音。(圖片：《過街英雄》電視截圖)
原本：就算佢port我port你，port埋你老頂port埋去一哥度，道理喺我哋嗰度，無畏無懼。
新版：其實我只係叫佢唔使日日嚟搵佢隻愛犬，道理喺我哋嗰度，無嘢好驚。
原本：我只係用適當嘅武力去處理，都係合情合理
新版：我只係用適當嘅方法去處理，都係合情合理
原本：做警察係我人生夢想嚟呀，我就係想喺前線除暴安良
新版：呢份工係我人生夢想嚟呀，我每日都感恩上天安排
原本：你就係為咗個飯碗，你見高拜見低踩，你欺善怕惡，做警察做到好似你咁，我寧願唔做呀！
新版：你就係為咗個飯碗，日日匿埋喺房唔知做咩，做上司做到好似你咁，我寧願唔做呀！
原本：做警察應該不畏強權，秉公辦理，點可以因為嗰個議員就驚到死，冇鬼用呀！
新版：你做人做到鬼咁縮骨，又成日吞pop，我哋一遇到咩事你就驚到死，冇鬼用呀！
相關新聞：【TVB恐現娛樂圈群組】黃翠如丁子朗《七公主》提早收廠 黎諾懿為家人搬走自我隔離
呢個賤精家庭絕對係一流。(圖片：《過街英雄》電視截圖)
扮盲唔讓位畀阿婆。(圖片：《過街英雄》電視截圖)
連細路仔都蝦。(圖片：《過街英雄》電視截圖)
黃翠如多段對白都要重新配音。(圖片：《過街英雄》電視截圖)
森美對白超mean。(圖片：《過街英雄》電視截圖)
至於森美在劇中有大量mean爆的對方，跟黃翠如互寸，如：「我嗰部善良的機，淨係影靚嘢，所以影唔到你！」、「有透視都唔睇你啦，都冇嘢睇！」而且劇中他身在的賤精家庭，于洋和盧宛茵為購物打尖不果，做場大龍鳳率先入場，盧宛茵又夾計同囝囝森美賤招做盡用平價買高級和牛，一家人演戲為妹妹江嘉敏爭取男友購買新手袋等等。
責任編輯：楊安莉