【坐地起價】僱傭公司列現成外傭5大「擇偶條件」 要求獨立房間「月薪$6000都可能拒絕」

新冠肺炎在全球肆虐，以致不少海外傭工未能如期抵港；即使到埗後，也要接受病毒測試及14天隔離，因而令本地外傭變得「搶手」。有外傭公司日前在網上發帖，直言本地外傭無論完約還是斷約都有價有市，比以前挑剔好多，更列出外傭5大「擇偶條件」供僱主參考，因而引來一眾網民嘩然。

該間外傭公司上周五（14日）在其Facebook專頁發帖，宣傳公司有「大量外傭供應」，又指在疫情期間，相信有很多僱主「一次又一次畀傾好嘅、想請嘅工人姐姐放飛機」；同時，亦因為很多海外傭工都未能如期到港，導致很多需要請外傭的家庭轉戰本地市場，

「本地外傭無論完約還是斷約都有價有市，比以前挑剔好多，小編我成日都幫僱主工人做配對，往往僱主都好友善，但係最後都係俾工人姐姐送個『BIG NO』。」

為讓傭主成功聘請到外傭，該間外傭公司遂總結出外傭5大「擇偶條件」：

1. 獨立房間，因為要有隱私；如果有獨立廁所，「或許可以加分」

2. 底薪$5000以上，但斷約本地外傭有機會減至$4630），「不過小編遇過僱主出6000港幣，都畀外傭姐姐一口拒絕嘅。要睇下緣分同埋運氣。」

3. 最好沒有長者

4. Share work （即家中有其他外傭一同工作）普遍拒絕率達90%以上

5. 最好家中只有一個小朋友，「BUT如果細過5歲，咁就有機會要考慮吓。BUT如果多過一個小朋友嘅數量，又要考慮吓。」

{{hket:inline-image name="maid180820202.JPG"}}{{/hket:inline-image}}

外傭公司列出外傭5大「擇偶條件」供僱主參考。（網上圖片）

網民怒斥要求離譜：係我請你，定你請我？

帖文一出隨即引來嘩然，更被不少網民轉載至多個群組。一眾網民均認為，外傭5大「擇偶條件」的要求離譜，「我都想獨立房間」、「套房畀公主？我仔女都未有喎」、「唔使佢做，齋畀錢好唔好」、「無bb無小朋友無老人家，我使鬼請你呀」、「而家係請工人定公主？係我請你，定你請我？」、「香港人好慘仲要畀錢又要畀人厭棄最後又要受氣，唉」、「如有以上條件，我自己做啦！」

延伸閱讀：【僱傭關係】外傭留家3星期避疫過生日 前髮型師僱主送上負離子剪髮大禮【查看詳情】

每朝索取《晴報》：精明生活．健康家庭．開心娛樂

責任編輯：李凱晴