叮叮貓陪你搭叮叮 為港人加油紓壓

黛安間中都會去搭叮叮，聽講電車公司最近請咗可愛叮叮貓擔任「電車大使」，提醒大家做好防疫措施，例如喺電車上要打開車窗，增加空氣對流，降低傳染病傳播風險。此外，電車公司仲推出咗兩架「叮叮貓電車」，希望大家抗疫期間注意身心靈健康，專注「看、聽、呼吸、說笑」4種感覺，以搭一程「叮叮」嘅時間為自己減壓！

香港電車董事總經理敖思灝同黛安講，叮叮貓鍾意同人交流，希望佢加入團隊後，可以不斷將歡樂帶畀更多人，尤其喺疫情影響下為市民打氣。

下次大家搭叮叮時，睇下會唔會遇到「叮叮貓電車」啦。