【聲明】港生活網站並無進行電話推廣活動

叮叮貓陪你搭叮叮 為港人加油紓壓

發佈時間: 2020/08/19

黛安間中都會去搭叮叮,聽講電車公司最近請咗可愛叮叮貓擔任「電車大使」,提醒大家做好防疫措施,例如喺電車上要打開車窗,增加空氣對流,降低傳染病傳播風險。此外,電車公司仲推出咗兩架「叮叮貓電車」,希望大家抗疫期間注意身心靈健康,專注「看、聽、呼吸、說笑」4種感覺,以搭一程「叮叮」嘅時間為自己減壓!

香港電車董事總經理敖思灝同黛安講,叮叮貓鍾意同人交流,希望佢加入團隊後,可以不斷將歡樂帶畀更多人,尤其喺疫情影響下為市民打氣。

下次大家搭叮叮時,睇下會唔會遇到「叮叮貓電車」啦。

撰文: 黛安 消息特靈八卦公關
欄名: 八卦名利場