無工開變賣家當 蓋世寶為慳錢Cut Wi-Fi

去年與無綫結束23年賓主關係的蓋世寶，早前接受倪詩蓓主持的新城節目《詩情廿四味》訪問，承認曾經有段日子收入大減，要變賣家當過活︰「知道要cut兒童節目，就諗下點樣慳啲。私家車唔係必需品就賣咗，手機係無限上網，所以屋企Wi-Fi都cut埋；我本身好少睇電視，屋企都無電視。」倪詩蓓指蓋世寶早前無工開九個月，又大爆對方拒絕出席生日派對及船P，蓋世寶坦言︰「我本身唔係好鍾意參與呢啲活動，感覺太有『目的』，唔識啲人做乜要去？」

身為《閃電傳真機》、《至Net小人類》及《放學ICU》三朝元老的蓋世寶，坦言當年只是誤打誤撞入娛圈︰「當時有人叫我去casting兒童節目主持，所以我就去，但其實我係完全無興趣。」