【深夜直播】林子祥林德信父子檔《YUU》洗腦歌 葉蒨文：「呢個時候聽幾開心」

近日林子祥跟囝囝林德信合作拍攝的全新手機儲積分App廣告經常在電視和網上播出，特別是兩人為廣告獻唱的歌曲《YUU》，不少網友都直指歌曲夠晒洗腦，因為歌曲輕快而易上口，特別是在多家超市、藥妝店和傢具店都會不斷播出，無論3歲定80歲都一定會識唱。

相關新聞：【發放正能量】葉蒨文開直播爆阿Lam用2G電話 孝順女為肺炎媽媽每日出入醫院

{{hket:inline-image name="LAM1.jpg"}}{{/hket:inline-image}}

廣告中，林子祥改編《我愛你》一曲。(圖片：網上截圖）

{{hket:inline-image name="LAM2.jpg"}}{{/hket:inline-image}}

兩父子在MV非常鬼馬。(圖片：網上截圖）

{{hket:inline-image name="LAM3.jpg"}}{{/hket:inline-image}}

爸爸唱歌，阿仔負責Rap，非常醒神。(圖片：網上截圖）

{{hket:inline-image name="LAM4.jpg"}}{{/hket:inline-image}}

睇相都覺得有聲呀！(圖片：網上截圖）

昨晚8號風球懸掛，林子祥的太太葉蒨文應約到陳恩碩的家人一齊開直播，她建議下次可以邀請林子祥，大談一下《YUU》，陳恩碩笑言：「我忍唔住Send訊息畀林德信，我話首歌真係好洗腦，我開電視又聽到，開YouTube又聽到，連去超市個中央喇叭都聽到。」葉蒨文力撐兩父子，她說：「我覺得喺呢個時候都幾開心喎，同埋呢個改編唔係林子祥諗，係廣告商用呢首歌，有人話畀佢哋知香港有呢個人唱過呢首歌，而且係中文版。」

{{hket:inline-image name="d4c0226c-0fb8-4ccc-b758-f08651df57d9.jpg"}}{{/hket:inline-image}}

葉蒨文開直播話首歌好開心。(圖片：網上截圖）

這首歌原本是1983年Billy Joel的《Uptown Girl》，歌曲MV是一群加油站職員遇到超時髦又現代的美女，即時歌舞一番，節奏輕快又歡愉。隨後由著名填詞人林振強重新譜上廣東話歌詞，即是林子祥的《我愛你》。

相關新聞：葉蒨文靠做運動回春 邊似58歲？ 愛心爆棚打波不忘救小動物

{{hket:inline-image name="lam5.jpg"}}{{/hket:inline-image}}

林子祥當年《我愛你》的MV。(圖片：網上截圖）

{{hket:inline-image name="lam6.jpg"}}{{/hket:inline-image}}

Billy Joel《Uptown Girl》。(圖片：網上截圖）

葉蒨文在直播大談去年林子祥演唱會的籌備工作，被問到兩公婆的相處之道，她說：「我同佢相處比較容易，一係我聽佢，一係佢聽我，如佢係堅持嘅話一定有佢原因，所以我會信佢，相反都一樣。我哋冇乜拗撬，好難同佢拗，因為佢都唔出聲，佢一係嬲一係發脾氣，咁佢嬲或者唔同意，代表唔使拗喇！我哋係為件事好，唔係對人或者為自己，所以唔會有問題。」

葉蒨文笑言做演唱會留飛真係好慘，好多人總認為頭6行先係最好位置，她說：「有次我留第7行，就已經冇朋友做；有一次拎第11行飛，佢直情唔要，其實控制台喺24行，24行先係最好睇！」雖然她笑言為了買門票而失去友誼，不過在直播期間，她竟然找到自己16歲時在加拿大讀書的同學，非常興奮要互留聯絡。

{{hket:inline-image name="800_ff10fbdbcc19f408abbeafed0f8c0e15.jpg"}}{{/hket:inline-image}}

（圖片：東星娛樂）

責任編輯：楊安莉