【反黑路人甲】張振朗戲外話王浩信好廢柴？ 自爆剛入行人工低唔敢加錢轉凍飲

《反黑路人甲》播映至今好評不斷，唔少網民都大讚劇集節奏快，演員之間好有火花。

劇中，張細倫（王浩信飾演）同高彬（張振朗飾演）喺督察顧欣頤（馮盈盈飾演）安排下決定聯手合作，佢哋表面上係對立，爭做坐館，實際上佢哋背後已經喺安全屋傾掂數，照計劃畀張細倫扮蔣世龍當選做第3代坐館。張細倫對演戲極執著，多多要求，而高彬又好有主見，二人經常鬥咀，鬧出唔少笑料。例如上集張細倫自把自為出手打高彬，最新一集張細倫、顧欣頤又要高彬換上女裝，等佢哋影相，揭發佢有易服癖。其實現實中，張振朗同王浩信嘅關係好唔好？拍攝時又有咩辛酸？

{{hket:inline-image name="17.jpg"}}{{/hket:inline-image}}

(《反黑路人甲》電視截圖)

{{hket:inline-image name="18.jpg"}}{{/hket:inline-image}}

(《反黑路人甲》電視截圖)

{{hket:inline-image name="16.jpg"}}{{/hket:inline-image}}

(《反黑路人甲》電視截圖)

(相關新聞：【反黑路人甲】馬強馬子妮兩父女「亂倫」？ 徐榮：依家變成獨當一面嘅水姐)

張振朗接受TVB娛樂新聞台訪問，佢笑言同王浩信感情好好，一支飲品兩份飲，仲送咗個朵畀佢：「拍完我哋會睇吓片，我會話：『王浩信你好廢柴』因為佢好似個角色，個感覺好廢。」王浩信即刻話：「你都廢㗎！」

{{hket:inline-image name="11.jpg"}}{{/hket:inline-image}}

(TVB娛樂新聞台電視截圖)

佢哋兩個之所以演繹得咁好，原來因為佢哋同樣深受周星馳嘅無厘頭喜劇影響，王浩信憶述拍攝時太好，搞到要NG多次：「笑到拍唔到，太陽落山，要第二日再拍。好難演，難演到喊。」張振朗指最好笑係王浩信喺車度搽潤唇膏嗰幕，兩個喺密閉空間只聽到對方呼吸聲，令佢一開拍就忍唔住笑，要搣大髀忍笑。

{{hket:inline-image name="13.jpg"}}{{/hket:inline-image}}

(TVB娛樂新聞台電視截圖)

今次張振朗染到一頭白髮相當有型，但佢話要連續4個幾月維持呢個髮型一啲都唔易，簡直係為藝術而犧牲：「我自己不嬲想試一次...啲黑髮會係咁生出嚟，特別我梳起晒啲頭髮，好易見到，所以我每兩個星期就要成個頭漂染一次。我每次漂足3次，第4次先上色，要坐喺髮廊4小時。為咗唔好甩色咁快，我3日先可以洗一次頭。」

{{hket:inline-image name="12.jpg"}}{{/hket:inline-image}}

(TVB娛樂新聞台電視截圖)

雖然為咗個造型要付出唔少時間，不過張振朗唔介意，覺得自己成功完成一個新嘗試，佢仲話其實剛入行時期仲辛酸。事緣佢以前喺屯門住，為咗返將軍澳上藝員訓練班，每日需來回搭車要花大約4小時：「人工唔高，凍飲錢我都唔夠膽畀。我住得遠，冇錢搭的士，朝早搭巴士返嚟，凌晨要搵車搭返去，再轉小巴。」從訓練班畢業後，張振朗見到前輩好多機會演戲，非常羨慕，於是經常模仿其他演員嚟取經。被問到有冇模仿過王浩信，佢笑言：「喺卡拉ok年代見到王浩信：『呢個王浩信係No.1』，有唱過佢首《愛與被愛》」講完佢忍唔住挨喺王浩信身上笑。

{{hket:inline-image name="15.jpg"}}{{/hket:inline-image}}

(《愛與被愛》MV截圖)

撰文：張芷晴
責任編輯：楊安莉