【聲明】港生活網站並無進行電話推廣活動

18歲未婚生子 「過來人」雪梨教仔︰記得買安全套

發佈時間: 2020/08/20

久未露面的雪梨,日前亮相香港開電視節目《開工大吉77》,接受好友苑瓊丹訪問。現年55歲的雪梨,入行時只得15歲︰「當年家姐米雪都好紅,但我光芒超越咗佢,拍電影又拍電視劇。」她透露因拍攝由徐少強投資的電影,跟對方擦出愛火︰「之後去泰國拍戲,佢帶我去宴會,當眾錫我一啖,我就深深愛上佢。」

雪梨18歲時未婚生子,消息震驚娛樂圈,她亦為愛兒徐偉棟放棄事業︰「當時仲有工作在身,未見肚就繼續拍,我任性又深愛徐少強,唔想墮胎,決定生BB。我從不後悔為生仔而放棄工作,細女(徐頴堃)出世之後,就同徐少強分手,我傷心咗半個月,就去亞視繼續工作。」她表示以往只識打罵仔女,後來才懂得如朋友般相處,更以「過來人」姿態教仔︰「18歲有性衝動,記得買個安全套,唔好搞出人命,要有經濟能力先好有BB。」

18歲未婚生子 「過來人」雪梨教仔︰記得買安全套

雪梨與一對子女徐偉棟(左)及徐頴堃(右)感情要好。