呢排潮流興玩一款換臉App，用戶只需要喺個App影張自拍，就可以將自己塊臉換上電影裡面嘅主角，好得意。好似歐瑞偉早前上載咗一條用換臉App整嘅短片，片中《鐵達尼號》嘅女主角Rose變成佢個樣，唔少網民留言話好搞笑：「好重口味喎！」、「Jack應該唔會阻止你跳海」、「想打你」等。
(歐瑞偉instagram短片截圖)
(歐瑞偉instagram短片截圖)
(歐瑞偉instagram短片截圖)
(歐瑞偉instagram短片截圖)
(歐瑞偉instagram短片截圖)
琴晚（19日）馬國明都玩埋一份，本身係足球迷嘅佢將自己Key做球王美斯，佢喺畫面中表情十足，交足戲，好可愛。
(馬國明instagram短片截圖)
(馬國明instagram短片截圖)
(馬國明instagram短片截圖)
(馬國明instagram短片截圖)
唔少網民紛紛留言，指成臉鬍鬚嘅馬國明同美斯勁似樣，好似兄弟：「毫無違和感」、「真係好似」、「key落去又真係好夾」、「你好似美斯，孖生咁樣」、「原來你真實身份係佢」等，又笑言佢應該改個新名做「馬美斯」。亦有網民讚馬國明最近愈來愈活躍於社交平台，不時更新近況，睇得出佢比以前開朗咗好多：「真愛的威力，令馬明都變了」
▼真．美斯
(美斯instagram圖片)
另外圈中好友包括胡杏兒、陳煒等睇完都紛紛讚好。而女朋友湯洛雯就留言大爆手上仲有馬國明其他換臉片段，佢仲話覺得條片好值得睇，叫網民投票，再決定公唔公開。
(馬國明instagram截圖)
馬國明自從同湯洛雯公布戀情之後，一直打得火熱。無論邊個喺社交平台出新帖文，另一個都會留言，愛得高調又甜蜜，羨煞旁人。例如早前馬國明喺Instagram上載喺海濱跑步舊照，寫道：「懷念沒有口罩的日子，努力、加油。」湯洛雯即留言反問佢係唔係著住牛仔褲跑步。
(馬國明instagram截圖)
日前，馬國明聯同喺劇集《On call 36小時II》飾演佢阿媽嘅黃淑儀拍片，並放上直播平台抖音，向湯洛雯隔空傳情。短片一開始馬國明就問黃淑儀：「阿媽，今晚食乜餸呀？」黃淑儀就答：「食乜餸有乜所謂啫，至緊要有煲靚湯，呀，唔係…至緊要有阿靚湯！」馬國明聽完忍唔住甜笑。
(黃淑儀抖音影片截圖)
(黃淑儀抖音影片截圖)
據知湯洛雯到年尾先有新劇開拍，而馬國明有份參演嘅新劇《兒科醫生》、《白色強人2》亦因新冠肺炎疫情同禁聚令關係，未能如期開拍。好多網民關心佢哋呢段時間會唔會多咗時間拍拖，馬國明接受傳媒訪問表示依家冇錯係放緊假，但佢要留喺屋企閉關，忙於為劇集做功課，有時間都唔會出街，只會喺屋企做運動，講到明唔可以成日拍拖咁話！
撰文：張芷晴
責任編輯：楊安莉