劇集《過街英雄》中，森美因接受在老鼠身上培植的人工耳朵而擁有鼠能力，表面囂張又寸嘴的他，不過私下非常孤單，朋友不多，身邊只有一隻龍貓Angelina，劇情交代由於老鼠同龍貓同屬齧齒類動物，所以牠跟森美可以互相交流，成為他的玩伴之一。以往劇集大多數搵貓、狗等演出，但龍貓的確比較罕見，見森美又攬又摸，以為好容易，非也非也，今次演Angelina的龍貓女主人，正是《愛回家》入面飾演金城安島大大學同學Jessica的沈愛琳，她分享到今次意外成為「星媽」的過程。
相關新聞：《過街英雄》黃翠如森美大量情節重新配音 冤家變拍檔對白Mean到爆
(圖片：《過街英雄》電視截圖)
(圖片：《過街英雄》電視截圖)
(圖片：《過街英雄》電視截圖)
(圖片：《過街英雄》電視截圖)
(圖片：《過街英雄》電視截圖)
(圖片：《過街英雄》電視截圖)
沈愛琳接受《晴報》電話訪問，她表示：「本來劇組購買了一隻叫小五嘅龍貓做連戲角色，導演計劃好拍攝完就領養，不過小五比較膽小難控制，經常逃跑，拍攝期間還咬傷了導演。有一次巧合，同事知道我養開龍貓，所以我過去睇下，點知小五唔畀人摸，仲發出『咕咕』聲發嬲，然後伸手入去會咬人。同戲組傾傾吓就覺得我隻龍貓比較適合拍攝，因為我隻囡囡驚就會企定定，可以做到同森美大哥傾計嘅劇情。之後換咗囡囡拍攝，拍攝進度理想，而且都乖乖，所以演員們都很喜愛牠。」
沈愛琳手抱的正是劇中演戲的龍貓女囡囡。(圖片：受訪者提供)
左邊係囡囡，右邊係喵喵。囡囡替代咗喵喵去演《過街英雄》。(圖片：受訪者提供)
呢隻係仔仔，10歲幾，不過個樣仲好後生喎。(圖片：受訪者提供)
呢隻係喵喵，即係原本嘅小五，8歲幾嘅女孩子。（圖片：受訪者提供）
由於愛琳照顧龍貓經驗比較豐富，於是每次拍攝都要陪伴囡囡到場，她笑言：「好辛苦，辛苦過自己返工，因為個籠連咗戲，每次拍攝我都要推返個籠返去公司，因為我接咗小五返屋企，希望佢感受到愛，動物感受到愛就唔會咁惡。」後來，愛琳收養埋小五，改名為喵喵，成為繼仔仔同囡囡之後，她第三隻領養的龍貓。
相關新聞：《愛回家》島大四子洗車變水舞間豔舞 攝氏9度低溫濕晒身超敬業
沈愛琳話龍貓啲毛好舒服，不過就好痛心大家棄養。(圖片：受訪者提供)
沈愛琳表示領養龍貓的原因是牠們被遺棄，所以她希望大家不要望到劇集囡囡好得意就隨意買或者養，應該三思而後行，她說：「龍貓係夜晚生活，最重要係24小時冷氣，因為龍貓d毛好濃密，一個毛孔有80條毛，加上佢哋唔會流汗散熱，所以冷氣是必須，平時食大量提摩西草同龍貓糧。佢哋啲毛好柔軟，摸起上嚟好順滑，所以以前啲人都會攞嚟做皮草，而家多咗人愛護動物，希望大家向皮草說不！」
入行快13年的沈愛琳過往大多數飾演學生的角色，其中最令人印象深刻的是《愛回家之開心速遞》入面飾演島大大學生Jessie，劇情講到她跟傻強曾經拍過拖。而她雖然30歲，但由於仍是童顏，所以日前才獲安排在劇中扮演中學生。對於多年來大部分都是客串角色，沈愛琳說：「都係等待，明白呢行唔係你想有機會就會有，當然想有角色可以發揮，希望日後會有其他工作可以幫補收入，自己盡量慳家暫時都夠生活，最高消費就係養我啲寵物。」
(圖片：沈愛琛IG )
(圖片：網上截圖)
(圖片：沈愛琳IG）
劇中Jessie有大量追求者。(圖片：沈愛琳IG截圖）
天生麗質，仍然可以演學生妹。(圖片：沈愛琳IG）
原來她已經入行超過10年，2018年領取公司的十年金牌。(圖片：沈愛琳IG）
責任編輯：楊安莉