陳柏宇領軍開網上騷 逾萬人捧場

陳柏宇（Jason）前晚在其個人YouTube頻道舉行網上音樂會，與同公司的組合小塵埃、黃妍等大玩crossover，獻唱約十首作品，吸引逾萬網民在網上睇直播。由於音樂會的高質製作，因此有網友一度誤以為是錄播，結果Jason即場報時，大家才相信是Live騷，甚為搞笑。

今次網上騷在一間黑膠唱片店內舉行，製作模式有別過去在正規演出場地，製作團隊特別在三個月前開始構思所有細節，包括燈光、空間運用、鏡頭調度等。提到今次綫上開Live，Jason坦言心情緊張但開心︰「因為好耐無做咁大型嘅騷，呢個騷嘅籌備以至器材，都足以撑到一個小型體育館嘅演出。」他又指非常滿意今次演出，並稱︰「雖然仍有甩漏，但演出前一晚同大家綵排到凌晨三點，大家都無瞓過，算係咁，希望日後開Live都可以keep住呢個水平。」